Simon Olsen naalakkersuisutut tunuarpoq

Aalisarnermut piniarnermullu naalakkersuisutut piffissaq kingullerpaaq atorlugu tunuarniuteqarsimalluni Siumumeersoq Simon Olsen oqarpoq, tunuarnerarporlu, naalakkersuisooqatigiit ingerlaannarsinnaanissaat pillugu.

– Suliat killiffiisa pingaaruteqassusaat kiisalu naalakkersuisooqatigiinni ataqqeqatigiilluni ingerlanissaq qanoq pingaaruteqartigisoq nalunnginnakku Naalakkersuisutut tunuarpunga. Simon Olsen nassuiaavoq.

Siumup Inatsisartuni gruppiata tatisinera tunuarnernut qanoq sunniuteqartigisimava ?

- Politikeriinnarsuugamik tupinnanngitsumik saassuppaannga, taamaattumik soorunami akiuussinnaanera atorlugu akiuuppunga. Kisianni miserratigissanngilara naalakkersuisooqatigiit annaannissaat pillugu aamma tunuarama. Naalakkersuisutut tunuartoq oqarpoq.

Aamma oqarpoq, Kukkunersiuisut allatulaaq maannangaaq pisarumaarlugit.

- Kukkunersuisutut sulissagaanni suliat aallaavii allallu taamaaqqataat takunngitsuusaaruminaatsiassapput, aamma systemi nutaanngorsartariaqangaatsiarpoq ullutsinnut naleqqussarlugu. Simon Olsen erseqqissaavoq.

Simon Olsen aamma oqarpoq, eqqissisimalluni tunuarniuteqarsimalluni.

- Imminut tatigivunga, naak ajortuliortutut isigineqarsinnaagaluarlunga. Ajortuliorsimanangali nalunnginnakku aarlerissuteqanngilanga. Simon Olsen erseqqissaavoq. Simon Olsen inatsisartuni ilaasortatut ingerlaannassaaq.