Anorersuaq Otto Københavnip timmisartoqarfianut kipusoortitsivoq
Anorersuup Ottop Københavnip timmisartoqarfiani weekendtimi uani angalaniarneq kipusoortikkaa, Københavnip timmisartoqarfiani tusagassiutinut nalunaartartup Lars Lemchep nalunaarutigaa.
- Sapaatip-akunnerata naanera tamarmi kipusoorpoq, ingammik ullumikkut arfininngornermi angalaniarneq kipiluttunarpoq, taanna oqarpoq.
Timmisartoqarfissuarli matuneqanngikkaluarpoq, timmisartulliukua aquttui minnissaminnik aallarnissaminnillu sila apeqqutaatillugu naliliinerisa taamaattoqartikkaat.
Assersuutigalugu soorlu tallimangormat Københavnimut timmisartut mittussaagaluit Amsterdamimut Berlinimulluunniit ingerlaqqiinnarput.
Lars Lemche aamma ilisimatitsivoq, tallimanngormat tassa ippassaq ualikkut tallimat missaanni timmisartut 115-t kinguartoorsimasut, ullumilu arfininngornermi Danmarkip nalunaaqutaa naapertorlugu sisamat missaanni timmisartut 30-t missaat kinguaattoorsimapput.
- Ullumikkut arfininngornermi kinguaattoornerit peqquteqarput anorersuaq pissutaalluni ilaasorpassuit allamut nunalinneqartariaqarsimammata, Lars Lemche oqarpoq, nangipporlu:
- Taamaattoqartillugu ikkussortakkatut ittoq aaqqissoqqittariaqartarparput tamannalu piffissartornartarpoq, taamaattumik ullut tullii aamma kinguaattoortoqarlunilu kingusinaartoqartariaqassaaq, taanna oqarpoq.
Arfininngornermi sapaammiluunniit timmisartukkut angalasussanut timmisartoqarfiup paasissutissiisartua kaammattuivoq sapinngisamik naammagittarniartoqaqqullugu, timmisartoqarfiullu paasissutissiissutigisai aammalu timmisartoqarfiup nittartagaa alaatsinnaanneqaqqullugu ilanngullugu kaammattuutigaa.
