2023-mut isernermiit akunnerup affaa qaangiummat Ukraine saassunneqarpoq

2023-mut isersimatsiaannartugut unnuap qeqqaniit akunnerup affaa qaangiutiinnartoq Ukrainemi illoqarfiit pingaarnersaanni Kyiv-imi siggartaatit kalerrisaarutit qaartartarumeererpallannerillu tusarsaapput, taama Kyivimip borgmesteria Vitalij Klitsjko avammut nalunaarpoq.

- Illoqarfissuarmi qaartartumeereerpalunnerit tusarsaapput. Timmisartukkullu angallannerit aallartinneqarlutik, taanna allappoq.

Kyivimi illoqarfiup ilaani sumiiffiit marluk qaartartumeeriffigineqarput, mannali tikillugu toqusimasunik nalunaaruteqartoqanngilaq, illoqarfissuup borgmesteria taama ilisimatitsivoq.

Taama Ukrainemut saassussisoqarpoq Ukrainemiut præsidentiat Volodymyr Zelenskyj ukiup nikinnera pillugu oqalugiummini oqarmat Ukrainemiut suli akiuuttuassasut.

- Akiuuttuassaagut, akiuunnerpullu ingerlaqqissaaq Zelenskyj ukiortaami nunaqqatimi ukiortaamut appakaannialerneranni oqalugiartilluni ilaatigut taama oqarsimavoq.

Imalu nangeqqilluni:

- Tamassinnut oqarusuppunga: Ukrainemiunaa, tupinnaannartumik torrappusi, angusagut qaangiuttut takulaariarsigit sunalu aamma angulerneripput takulaariarsiuk.

Taamatuttaaq ukiortaami oqalugiunni ima ilasimavaa, Ukrainemiut sakkutuui sukarsuarnik illugiinnik napatitsisut, russillu saaffigalugit oqarluni: ”tassa taanna oqaluttuarisaanerup sammivia”