27-nik ukiulik Le Pen taarserlugu partiimut siuttunngorpoq
Frankrigemi Marine Le Penip partiia Front National ullumi arfininngornermi nutaamik 27-nik ukiulimmik Jordan Bardellamik atilimmik siulittaasortaarpoq.
Frankrigemi Marine Le Penip partiiata Front Nationalip 27-nik ukiulik Jordan Bardella siuttorilerpaa, taanna piffissami sivisuumi nuannarineqaleriartorsimavoq.
Allattoq Ritzau
novembarip 05-at 2022 16:30
Jordan Bardella Le Penimut tapersersortaalluartuuvoq aammalu partiip taassuma iluani nuannarineqartupilussuulluni.
Taanna qinersisartunik Le Penimut tapersersuisunik tiguaassaqqooqisoq ilimagineqarpoq taamalu franskit politikkianni allamiuluarnermut atatillugu qiterpasissup tungaanut saattoqassagunartoq.
Bardella, juulimi 2021-mili partiimut siuttuugallartutut inissisimasimagaluarpoq, maannalu tassa ullumikkut siulittaasunngorluarluni.
Taanna 85 procentimik taaneqarsimavoq, unammisaalu Frankrigep kujasissortaani Perpignanimi borgmesteriusoq Louis Aliot 15 procentimik taaguunneqarsimalluni.
Partiimi ilaasortat katillugit 36.600-t ullumi taasinermi peqataasimapput.
