61-inik ukiulik Qaqortumi ujaarineqartoq

Nunatsinni politiit tusagassiorfinnut kaammattuinerat naapertorlugu angutip ujaarineqartup nassaarineqarnerata kingorna aqqa assialu allaaserisamiit peerneqarput.

61-inik ukiulik Qaqortumeersoq angerlarsimaffimminit marlunngornermi septembarip ulluisa arfernanni ullaakkut nal. 04:30-p missaani anigamili takuneqaqqissimanngimmat ilaqutaasa maqaasillugu nalunaarutigaat.

Kalaallit Nunaanni Politiit tusagassiuutinut nalunaarummi allapput.

Politiit politiit qimmiat, ATV-t politiillu angallataat Nukik atorlugu ujaasipput, nassaarinngilaalli.

Taamaammat Kalaallit Nunaanni Politiit angutip nassaariniarnissaanut tamanit ikioqqupput. Qaqortumi innuttaasut ilaatigut quini, pequusivinni assingusunilu ujaasinissaannik kaammattuuteqarlutik tusagassiuutinut nalunaarummi allassimapput.

Laban Kristoffersen 160 centimeterit missaannik angissuseqarpoq, taartunillu nujaqarluni. Taassuma qarlit koorput tungujorujuttut kamiillu Nikemik meqqillik atorpai.

Politiiinut paasissutissaateqartoqaruni oqarasuaammut +299 70 14 48-mut attaveqartoqassaaq.