Aaja Chemnitz Larsen: Inatsisartut naamattumik ilisimatinneqarneq ajorput
Ukrainemi sorsunneq Kalaallit Nunaannut kinguneqarsinnaavoq.
Taamaattumik nunani allani pissutsinik kalaallit politikerit pitsaanerusumik ilisimatinneqartartariaqarput.
Folketingimut Inuit Ataqatigiinnit ilaasortaq Aaja Chemnitz Larsen taama isumaqarpoq Inatsisartunullu ilaasortat massakkorpiaq pissangartorsiorfik pillugu danskit tungaanniit pitsaanerusumik ilisimatinneqartarnissaat ujartorlugu.
- Ukrainemi sorsunneq qiviaraanni paasisariaqarpoq Kalaallit Nunaanni pisariaqartinneqartoq Issittumi pissutsit kisiisa pinnagit, kisianni aamma Rusland Ukrainemut qanoq iliuuseqarnersoq ilisimasaqarfigineqassasoq, taakkuninngalu ilisimatinneqartarnissaq, Aaja Chemnitz Larsen Folketingemi Nunat Allat pillugut Ataatsimiititaliamjut ilaasortaasoq oqarpoq.
AAMMA ATUARUK Putinip nunat Ukrainemi akuliutissappata ingerlaannartumik akineqarnissaannut sioorasaarpai
IA-mit politikerip erseqqissarpaa paasissutissat amerlasuut Folketinimi pisartakkani allanut ingerlateqqinnissaat inerteqqutaasartut. Taamaattumik Aaja Chemnitz Larsenip politikereqatimi assinginik ilisimasaqartitaannginnerat isumakuluutigaa.
- Periarfissinneqartarpunga Ruslandip qanoq Ukrainemi iliorneranik ilisimatinneqasssallunga, politikereqatima Inatsisartuniittut periarfissarinngisaannik, oqarpoq.
Sorsunnerup sunnerpaatigut
Siornatigut oqallissaasarpoq Inatsisartut danskit tungaanniit sulianut Kalaallit Ninannnut tunngasunut paasitinneqartarnersut ilanngutitinneqartarnersullu. Aaja Chemnitz Larsen naapertorlugu allanut ilisimatitsinnginnissamik periusissiaq, Inatsisartut Issittoq pillugu ilisimatinneqartarnerannik kinguneqartoq annertuumik malinneqarpoq.
Når IA-mit politikerip Inatsisartunut ilaasortat nunani allani pissutsinik annertunerusumik ilisimatinneqartarnissaat ujartoramiuk Ukrainemi sorsunneq ungasinnerusoq isigalugu Kalallit Nunaannut kinguneqarsinnaasoq eqqarsaatigaa.
- Kalalalit Nunaannut pingaartuuvoq Issittoq kisiat pillugu pissutsit kisimik paasitinneqartarnissaat naammanngitsoq, kisianni aamma Ukrainemi pissutsit aamma ilanngunneqartariaqartut. Sorsunnerup Kalaallit Nunaat toqqaannartumik toqqaannanngitsumilluunniit sunnertussaavaatigut. Taamaattumik susoqarneranik qaammaassaqartariaqarpugut, oqarpoq.
AAMMA ATUARUK Radarit amerlanerusut pillugu immikkut ilisimasalik: Kalaallit Nunaata nakkutiginissaanut USA erinitsavippoq
Ilutigalugu Aaja Chemnitz Larsenip ujartorpaa Kalaallit Nunaanni politikerit nunani allani pissutsinik ukkatarinninnerunissaat Issittumilu periusissiaq kinguaattooqqaqisoq aaqqillugu.
Isumaqarpoq kalaallit aalajangiisartuisa nunat allat pillugit ungasinnerusoq isigalugu periusissaqarnissaat pisariaqartoq.
- Kalaallit Nunaata nunat allat pillugit, imaluunniit Issittoq pillugu periusissiornissaa silarsuup utaqqinavianngilaa, piviusorlu imaappoq India qanittumi issittoq pillugu periusissiormat. Tamatumuunakkut takuneqarsinnaavoq silarsuaq tamarmi Issittumik soqutigisaqarmat.
