Aalisariummik pisinissaq utaqqitinneqassaaq
Aalisariummik kattulluni kujataani piserusuttut Naalakkersuisut siulittaasuata pisinngikkallarnissaanut kaammattuivoq.
Taassumalu erseqqissaatigaa, raajanik pissassiisinnaanissaq Naalakkersuisut ataatsimoorlutik alajangiiffigiumaaraat.
Innuttaasunut ataatsimiitsitsisoqarmat apriilip aappaani tamanna qaqinneqapoq.
Biologit qanimut suleqatigineqarput
Naalakkersuisut Pinngortitaleriffik suleqatigalugu tamanna misissuiffigigaat Kim Kielsen erseqqissaavoq, ilumut tamanna periarfissaanersoq Sisimiuniit kujammut raajartassiisoqassanersoq misissorlugu.
- Kisianni erseqqissaatigissavara Naalakkersuisut suli tassunga atatsillugu isummernikuunatillu aalajangiussaqarnikuunngillat, Kielsen taama oqarpoq,
Taassumap erseqqissaatigaa aalisartut utaqqisariaqassasut.
- Aamma allaat tusarpara maani kujataani aalisartut kattullutik angallatitaarnisssaannik kajumissaarisoqareersimasoq. Uangali oqarusuppunga tamanna utaqqissutilaarneqartariaqartoq. Naalakkersuisut suli tamatumunnga tunngatillugu aalajangiussaqanngillat, Kim Kielsen oqarpoq.
