Aasianni 24-nik ukiulimmik ujaasineq unitsinneqartoq
Angutip ujaarineqarnera unitsinneqartoq, Kalallit Nunanni Politiit ilisimatitsipput.
Aasianni angutip ujaarineqarnera ullumi tallimanngornermi taamaatinneqarpoq.
Allattoq Aaqqissuisoqarfik / Redaktionen
oktobarip 21-at 2022 12:06
Aasianni angutip ujaarineqarnera ullumi tallimanngornermi taamaatinneqarpoq.
Kalaallit Nunaanni Politiit taama tusagassiuutinut nalunaaruteqarput.
Angummik 24-nik ukiulimmik, sapaatit akunnerata siuliani ujaarineqalersumut tunngavoq.
Taassuma kolegiani inini nikallungalluni arfininngornermi qimassimavaa.
Kisianni ujaasineq angutip nassaarineranik inerneqanngimmat, politiit ujaasinertik taamaatippaat.
Politiit Issittumi Sakkutooqarfik, qulimiguulik, aqqartartut, qatserisartut Aasiannilu kajumissutsiminnik ikiuuttut suleqatigalugit ujaasipput, ajoraluartumilli nassaarinagu.
Politiit ujaasinermi ikiuuttorpassuit qutsavigaat.
