Aasianni innaallagiaqaqqilersoq: Ikuallattoqarnerani ajoqusertoqanngilaq

Torsdag eftermiddag opstod der en mindre brand på Nukissiorfiits reserve-elværk i Aasiaat, der var årsagen til et strømnedbrud i byen.

Nukissiorfiit Aasianni innaallagissiorfiani pissamaatini annikitsumik ikuallattoqarnera illoqarfiup ilarujussuani innaallagiaqannginneranik kinguneqarpoq. 

Innaallagissamilli pilersuineq piffissap sivikitsup ingerlanerani allarteqqippoq. Nukissiorfiit Facebookimi taama nalunaaruteqarput.

- Maanna nal. 15:40-miit illoqarfimmi innaallagissamik pilersuineq tamakkiisumik ingerlaqqilerpoq. Naatsorsuutigaarput motoorit pingaanerit aappaata akunnerit marluk iluani tamakkiissumik aamma aallarteqqikkumaartoq. Aalisakkanik tunisassiorfik matugallaqqusimavarput pilersuineq oqilisarniarlugu pilersuineq tamaviaarnera peqqutigalu.

Aasianni innuttaasut innaallagiamik pilersuineq annikikkaluartoq sipaarniarnissaat pisariaqanngitsoq Nukissiorfiit KNR-imut paasissutissiissutigaa.

Innaallagiamik pilersuineq sisamanngornermi unnukkut nalinginnaasunngoqqikkiartorumaartoq Nukissiorfiit naatsorsuutigaat.

Ikuallattoqarneranut atatillugu takunnittut Nukissiorfiit atortorissaarutaannit pujoq qernertoq pujoorfikkut aniasoq takusinnaasimavaat, kingornalu illorsuarmit qanngorpallattoqarluni.

Kalaallit Nunaanni Politiit inummik ataatsimik ajoqusilaartoqarsimasoq taannali ajunngitsoq peqqinnissaqarfimmilu sulisunit takuneqareersoq oqaatigaat.

Video: Kunuunnguaq Jeremiassen.