Afghanistanip amerikamiut qimagunnerat nalliussigaa

USA-p sakkutuuisa Afghanistanimit qimagunnerannit ullumi pingasunngornermi ukioq ataaseq qaangiuppoq.

Allattoq Ritzau

aggustip 31-at 2022 10:17

Nutserisoq Jaaku Lyberth

Afghanistanimi inuiattut ullorsiortoqarnerani erfalasut qaqortut musliimillu upperisaannik allattorsimasut illoqarfiisa pingaarnersaanni qulliit napasuliani nivingapput.

Ullumimi marlunngornermi ukioq ataaseq qaanngiuppoq amerikamiut sakkutuuisa Afghanistan qimammassuk, tamannalu qummoroortitsinermik seqersittakkannillu takutitsinernik malunneqartinneqarpoq.

Tassa ukioq ataaseq qaangiuppoq Afghanistanimi musliimiusiortut talibanit pissaaneq tigummassuk.

AAMMA ATUARUK Amerikamiut sakkutuui kingulliit Afghanistanimit qimagupput

Talibanit Afghanistanimi innuttaasunut upperisassiornermi malittarisassanik sukannersunik taamanili atuutilersitsipput, tamannalu nunanit arlalinnit taamatullu Naalagaaffiit Peqatigiinnit isornartorsiorneqarpoq.

Ingammik Afghanistanimi arnat atugaat Naalagaaffiit Peqatigiinnit isornartorsiorneqarpoq.

Talibanit kisimiilutik uppperisarsioqatigiit Afghanistami naalakkersuisutut akuerivaat.

Afghanistanimi inuit 38 millioniusut ikiorneqarnissamik pisariaqartitsipput.

Nutaarsiassami kukkunermik nassaarsimaguit uunga allaffigineqarsinnaavugut.