Angut nunarsuarmi ipertunerpaaq toqusoq
Angut nunarsuarmi ipertunerpaamik atequsilik, Iranimiu Amou Haji, 94-nik ukioqarluni toqusimasoq, Iranimi tusagassiorfiit allapput.
Amou Haji ukiuni 60-init ikinnerunngitsuni uffarnikuunngitsoq ilimagineqarpoq. Tamatumali kingorna uffareernermi kingunitsiannguagut toqusimasoq, nutaarsiassaqartitsivk AFP allappoq.
Amou Haji napparsimalernissani ernummatigalugu inuunermi affaa sinnerlugu uffarsimanngilaq.
- Amou Hajip nunaqarfimmioqataasa uffarniarlugu qaammatit arlaqanngitsut matuma siorna uffarfiliaassimavaat, nutaarsiassaqartitsivik Irna allappoq.
Uffarnermi kingunitsiannguagut napparsimalerpoq, sapaatiummallu toqulluni.
Amou Haji nunaqarfimmioqataasa qarmasissianik sanaavanni illuaqqami qarmasissianik saanajuusumi najugaqarsimavoq.
inuusuttunnguulluni misigissutskkut ajorsartitaasimanermi kingorna uffartarunnaarniarluni aalajangersimalluni, Amou Haji tuluit aviisisa ilaannit Tehran Timesimit 2014-imi apersorneqarami oqarpoq. Uffartarunnaarniarlunili aalajangersimanera asasamik aliasuuteqarnermik peqquteqarsimanersoq eqqaaneqanngilaq.
