Angut Nuummi pinngitsaaliisimasutut pasineqarluni tigummigallagaasoq
Angut 30-nik ukiulik nammineersinnaajunnaarsitsisimasutut pinngitsaaliisimasutullu pasineqarluni Eqqartuussisoqarfik Sermersuumi ippassaq sisamanngornermi sassartitaavoq.
Angutip taassuma tigummigallagaanissaminik aalajangerneq nunatta eqqartuussisuuneqarfianut suliareqqitassanngortippaa.
Allattoq Hanna Vestergaard Hviid
februaarip 24-at 2023 09:15
Nutserisoq Hanne Petersen
Angut 30-nik ukiulik ulluni 28-ni tigummigallagaassasoq, Eqqartuussisoqarfik Sermersuumi aalajangerneqarpoq. Angut taanna nammineersinnaajunnaarsitsisimasutut pinngitsaaliisimasutullu pasineqarluni eqqartuussisoqarfimmi ippassaq sisamanngornermi sassartitaavoq.
Kalaallit Nunaanni Politiit KNR-imut taama ilisimatitsipput.
Angut taanna pinngitsuunerarpoq, tigummigallagaanissaanillu aalajangerneq nunatta eqqartuussisuuneqarfianut suliareqqitassanngortillugu.
Angut taanna arnamik akunnerni marlunni qunutitsilluni sioorasaarillunilu qimagutsaaliuisimasutut pinngitsaaliisimasutullu pasineqarpoq. Nuussuarmi ataasinngornermi februaarip 20-ani taamaaliorsimaneragaasoq, Sermitsiaq.ag allappoq.
