Georg Floydip toqutsisuata ukiuni 30-ni parnaarussaanissaa piumasarineqartoq

Amerikami politiiusimasoq Derek Chauvin taartumik amilimmik George Floydimik aprilimi toqutsisimasutut pisuutinneqarpoq, unnerluussisussaatitaasullu taassumalu ukiuni 30-ni parnaarussassanngortinneqarnissaa piumasaraa.

Tamanna naalagaaffimmi Minnesotamiittumi eqqartuussinissamut takussutissami eqqartuussivimmut amerikami tunniunneqartumi takuneqarsinnaavoq.

Pineqatissiissutigineqartussaq juunip ulluisa 25-anni aalajangiiffigineqassaaq.

Unnerluussisussaatitaasup 45-nik ukiulik Chauvin politiitut atorfimminik atornerluerujussuarsimasutut taavaa.

Pineqaatissinneqarnikuusimanngitsoq

Siornatigut pineqaatissinneqasimanngitsutut politiiusimasoq Derek Chauvin peqquserluttuliortuliorsimasutut ukiuni aqqaneq marlunni ukiullu affaanik parnaarussivimmiittussanngorlugu pineqaatissinneqartussaagaluarpoq. Pinerluutigineqartulli arlalitsigut immikkut illuinnartuuneri pissutigalugit eqqartuussisup sivisunerusumik parnaarussaanissaanik pineqaatississinnaavaa.

Politiiusimasoq Derek Chauvin apriilip ulluisa 20-anni pisuutinneqarpoq, tassa Derekip George Floydimik tigusarinninnermini seeqquminik Floyd anersaartorsinnaajunnaartillugu qungasiatigut nanertorsimagaa kingornalu toqulluni eqqortuutinneqarpoq.

AAMMA ATUARUK Politiiusimasoq George Floydimik toqutsisimasutut pisuutinneqartoq

Tamanna ilisimannittut 45-t apersorneqarlutik sapaatini akunnerni pingasuni eqqartuussisoqareerneratigut pivoq.

Chauvin unnerluussutigineqartuni immikkoortuni pingasuni tamani pisuutinneqarpoq, taakkunannga ajornerpaamik iliorneq toqutsinermut tunngassuteqarluni, tamannalu ukiuni 40-ni parnaarussaasussanngortitsissutigineqarsinnaavoq.

Politiiusimasoq 45-nik ukiulik suliami unnerluutigineqartunut tamanut pisuunnginnerarpoq.

Politiiusimasumut pineqaatissiineq USA-p oqaluttuarisaanerani ammip qalipaataanik immikkoortitsinermi politiillu taartunik amilinnut pissuserluuteqartarneranni pisuni pingaartuuvoq.