Aqqalu Jerimiassenip ikiaroornartunut sakkortuunut atatillugu pillaasarneq sakkortuserusukkaa

​Atassutip ikiaroornartunik sakkortuunik soorlu kokaininik aamma heroinimik anngiortumik eqqussuinernut tuniniaanermullu pillaasarneq sakkortuserusuppaa.

Taamaammat partiip Inatsisartuni upernaakkut ataatsimiinnissamut aalajangiiffigisassatut siunnersuuteqarniarpoq, partii Facebookimi quppernermini allappoq.

- Ullumikkut pineqaatissiissutigineqartartoq marloriaatinngortinneqanngikkuni pingasoriaatinngortinneqassaaq, Atassutip siulittaasua, Aqqalu Jerimiassen oqarpoq.

Nunatsinni pinerluttulerinermi inatsimmi pineqaatissiisarnermut sinaakkuteqanngilaq. Pineqaatissiissut eqqartuusseriaaseq atuuttoq malillugu unnerluussisussaatitaasup suliaq aalajangersimasoq naatsorsortarpaa, taakkuli danskit malittarisassaat ikorfarisarlugit.

Node link
Title
Kæmpe stigning i beslaglægning af hash i Grønland

Ikiaroornartunik pinerluuteqarnermut pineqaatissiisarneq assigiinngitsut malillugit aamma ikiaroornartoq nammineq atugassaanersoq imaluunniit tuniniarneqaqqittussaanersoq apeqqutaatillugu naliliiffigineqartarpoq

Taamaammat Kalaallit Nunaanni Politiit ikiaroornartumik sakkortuumik annertuumik anngiortumik eqqussinermut pineqaatissiinissamut naliliisinnaanngillat. Suliammi qanoq amerlatigineri killeqartut, politiit KNR-imut paasissutissiissutigaa.

Kokaini 70 grammi
Aqqalu Jerimiassenili taamaattoqassappat pineqaatissiinissamut sinaakkuteqassasugut isumaqarpoq.

- Assersuutigalugu 30 kiilumik heroinimik imaluunniit kokainimik eqqusseriarsimaguni ukiut qulit tikillugit pineqaatissinneqassapput, Aqqalu Jerimiassen oqarpoq.

Kalaallit Nunaanni Politiit ikiaroornartunik sakkortuunik annertuumik anngiortumik eqqussisumik naammattoorsinikuunngillat. Taamaallaat hashi kilukkaartoq arsaarinnissutigineqartarpoq.

Politiit angut kokaimik 70 gramimik tigummiartoq 2022-mi januaarimi ukiumik ataatsimik qaammatinilu qulingiluani pineqaatissinneqarsimasunut inissiisarfimmiittussanngortinneqartoq assersuutigaat.

Node link
Title
Bjørn Tegner Bay: En katastrofe for landet, hvis hash bliver legaliseret

Aqqalu Jerimiassen aalajangiisinnaagaluaruni angut taanna ukiunik tallimanik qaammatinilu marlunni pineqaatissinneqarsimasunut inissiisarfimmiittussanngortinneqassagaluarpoq.

- Inuit ikiaroornartunik ulorianartunik kalaallit inuiaqatigiivinut eqqusseriaraluartut isiginngitsuusaaginnarsinnaanngilagut. Inunnut ikiaroornartunik sakkortuunik nunatsinnut eqqusseriarnermut anusinngorsaataasumik pineqaatissiissusiussaagut, taanna oqarpoq.

Siulittaasorli cannabisimut tunngatillugu allatut isumaqarpoq.

Cannabisip inerteqqutaajunnaarsinneqarnissaa ammaffigigaa
Atassutip siulittaasuata cannabisimut tunngatillugu oqallitsitsilerneranit sapaatit akunnialuinnai qaangiupput. Aqqalu Jerimiassenip nunatsinni cannabisip pillaatissiissutaajunnaarsinneqassanersoq imaluunniit inatsisinik tunngavileqalersinneqassanersoq oqallisigineqarnissaa piffissanngornerarpaa.

Cannabisip oqallisigineqarnera
 
Atassutip siulittaasuata, Aqqalu Jerimiassenip cannabis pillugu oqallinnissaq ammaffigineqartariaqartoq Facebookikkut januaarimi saqqummiuppaa.

Naalakkersuisoqatigiit tassaasut Inuit Ataqatigiit Siumullu Atassutip siulittaasua ikiaroornartup oqallisigineqarnissaanut piffissanngortoq isumaqatigipallappaat.

Illuatungiliuttut kingornatigut ilanngupput. Taamaalillutik Inatsisartuni partiit tamarmik cannabisimik oqallisiginninnissamut piareersimalerput.

Partiit arlaannaataluunniit cannabis pillugu qanoq isumaqarnertik aalajangiusimanngilaat.

Sumi qaqugulu oqallittoqassanersoq partiit arlaannaataluunniit nalunaarutiginngilaa.

Naallu Aqqalu Jerimiassen oqallinnermik aallartitsigaluartoq siulittaasup cannabisimik inerteqquteqartoqarunnaassanersoq nammineq qanoq isumaqarfiginerlugu erseqqissumik akissuteqarfigisinnaanngilaa.

Tamanna Atassummi sammisamut atatillugu isumaqatigiinngitsoqarneranik ilaatigut pissuteqarpoq, taassumali parteeqatiminit cannabisimut atatillugu nammineq qasuunganerulaarluni oqaatigaa.

- Uanga ammaffigineruara. Cannabisip inerteqqutaajunnaarsinneqarnissaanut atatillugu matu uannut ammalaarpoq. Taamaakkaluartorli qanoq isumaqarnerlunga aalajanginnginninni inerteqqutaajunnaarsitsinerup kingunerisassai pillugu ilisimatusarnikkut uppernarsaammik takoqqaarusuppunga, Aqqalu Jerimiassen oqarpoq.

Aqqalu Jerimiassenip ikiaroornartunut sakkortuunut atatillugu sukanganerunera taassuma oqarnera naapertorlugu taakku pinngitsuuisinnaajunnaarsitsinerusarnerannik pissuteqarpoq.

- Pinngitsuuisinnaajunnaarnermut toqussutaasinnaanerannullu uuttortaanerit misissoraanni heroin, kokain ecstasyllu ajornerungaatsiarput, taanna oqarpoq.

Hashimik aamma pinngitsuuisoqarsinnaajunnaartoqartarsimassaaq?

- Soorunami pinngitsuuisinnaajunnaartoqartarpoq. Taakku cigaretitulli immaqa pinngitsuuisinnaajunnaarsitsisarput. Kisianni cannabis naasortaa ikiaroornartutut isigineqassanngilaq.

Node link
Title
65 procent flere søgte om hjælp til hashmisbrug

Imigassaq pinngitsuuisinnaajunnaarsitsillunilu toqunarpoq. Taanna aamma killilissavarput?

- Inerteqqutaajunnaarsinneqareersimasut iliuuseqarfigisinnaanngilagut. Kisianni ikiaroornartut sakkortuut maanna iliuuseqarfigisinnaavagut, taanna oqarpoq.

Kalaallit Nunaanni Politiit hashi 129,7 kiilu siorna arsaarinnissutigaat.

Taanna 2021-mut sanilliullugu – 33 procentimik annertuneruvoq – tassa pingajorarterutaanik.

Aamma ikiaroornartumik nunatsinnut anngiortumik eqqusseriaraluartut 2022-mi pingasoriaammik amerlanerupput. Tassani anngiortumik eqqusseriaraluartut amerlanerpaartaat hashimik eqqusseriartuupput.