Aqqaluaq B. Egede isornartorsiuisoqarnera pillugu: Oqallittoqalernera iluarisimaarpara
Inuussutissarsiutigalugu aalisartut naalakkersuisumut ukiuni kingullierni 20-ni sianerlutik aalisarnermut akuersissummik pissarsisarsimaneraanini, aalisarnermut naalakkersuisup Aqqaluaq B. Egedep aalajangiusimavaa.Inuussutissarsiutigalugu aalisartut naalakkersuisumut ukiuni kingullierni 20-ni sianerlutik aalisarnermut akuersissummik pissarsisarsimaneraanini, aalisarnermut naalakkersuisup Aqqaluaq B. Egedep aalajangiusimavaa.
Illuatungiliuttut partiivi Siumut aamma Demokraatit naalakkersuisut taamaaliortarsimanersut aqqinik tusarusupput.
Kisianni aalisarnermut naalakkersuisoq Aqqaluaq B. Egede taamaaliorusunngilaq
- Naalakkersuisut akisussaanerat pillugu malitassaqarpunga, aamma akisussaaffik tamaat tigummivara, suliassaq taamatut pillugu, oqartuuteqarpunga suleriaaseq eqqarsaatigalugu, Aqqaluaq B. Egede Qanoruumut taama oqarpoq.
Aalisarnermut akuersissut sunaava?
Aalisarnermut akuersissut taassaavoq inuussutissarsiutigalugu aalisarnermik ingerlatsinissamik akuersissut.
Kinaluunniit artinik pisassiissutigineqartartunik inuussutissarsiutigalugu aalisarniartoq akuersissummik peqartariaqarpoq.
Tigusiffik: sullissivik.gl
AAMMA ATUARUK Naalakkersuisoq akuersissutinik tunniussisinnaavoq
Aalisarnermut Naalakkersuisoq Aqqaluaq B. Egede sooq naalakkersuisuusimasut aalisartunut oqarasuaatikkut aaalisarnermut akuersissutinik tunniussissarsimanerakkami aqqinik taasiumannginnerminut tunngavilersuilluni taama oqarpoq.
Naalakkersuisut kikkut taama suleriaaseqarsimanersut illuatungiliuttut partiivisa Siumut aamma Demokraatit tusarusuppaat.
Aamma aallisarneq pillugu Ilulissani qaammat aallartisimalartoq isumasioqatigiinnermi taamaaattoqarsimaneraarnerminut utoqqatsernissaanik piumasaqarput.
AAMMA ATUARUK Sianiinnarluni akuersissutinik pissasisoqartartoq Aqqaluaq B. Egede oqarpoq: Atinik saqqummiussisoqassasoq Siumup piumasaraa
Aqqaluaq B. Egede taama oqarpoq. Oqallittoqalerneralu taassuma nuannaarutigalugu.
Siullermik aalisarnermut naalakkersuisuusimasut pineqarput, tamarmiunngikkaluarlutik, kisianni ileqqoq taanna ingerlanneqarpoq, aamma iluarisimaarpara, oqallisigineqalermat, tamannami pisariaqarpoq
Aqqaluaq B. Egede Qanoruumi Andreas Poulsenimut taama oarpoq.
Pineqartoq Aalisarnermut Piniarnermullu Naalakkersuisumut Aqqaluaq B. Egedemut politikkikkut kinguneqanngikkallarpoq.
Taassumami naalakkersuisunut ilaasortaaginnarnissaanut inatsisartuni amerlanerussutillit tapersersuipput.
Aqqaluaq B. Egedep Qanoruumi apersorneqarnera uani takusinnaavat.
