Itsarnisarsiuut itsarsuarmi inuup niuersissimasup saarnginik nassaartut

Itsarnisarsiuut itsarsuarmi anigorsimasamik niuersittoqarsimaneranut uppernarsaatinik aatsaat taama itsarsuarnisaatigisunik Borneomi assaanerminni nassaarput.

Itsarnisarsiuummi taakku, australiamiut ilisimatusarfianneersuusut indonesiamillu suliffeqarfianneersuusut, Borneomi itsarsuarmi tassa ukiut 31.000 missaat matuma siornatigut inuusimasup inersimasuusup saarnginik nassaarput, inullu taanna meeraalluni niuersissimasoq saarnginik misissuinerminni paasivaat.

Inuup taassuma niua saamerleq peerneqarsimasoq saarnginik misissuinerminni uppernarsarsimagitsik, ilisimatusartut oqarput.

- Inuk taanna aseruuttoorutigisimanngisaminik tassa iluatsittumik niuersissimasoq saarngisa maminneqarnerisa ersersippaat, ilisimatusartut ilisimatitsipput.

AAMMA ATUARUK Itsarsuaq inuusimasut ilisimaneqanngitsut saarnginik Filippinerini nassaartoqartoq

Inuk taanna niuersinnerminik aniguisimasoq, itsarnisarsiuut inuup taassuma saarnginik maminnertalinnik misissuinerminni uppernarsarpaat.

Itsarsuarmi pilattaasarsimasut avatiiaallaqqissimallutillu inunnik avatiiarneqarsimasunik passussillaqqissimasut, itsarnisarsiuut misissuineranni aamma erserpoq.

Itsarsuarmi inuit nakorsaanerup tungaatigut ilimagisamit siuarsimanerusimaqisut misissuinerminni paasisimagitsik, itsarnisarsiuut ilanngullugu oqaatigaat.

Inuup saarngi taakku Borneop kangisissortaani, Eurasiamut itsarsuarmi atasimasumi, qaarusuit ilaanni Liang Tebomi nassaarineqarput.

Nassaarneq ilisimatuussutsikkut atuagassiami Naturemi saqqummiunneqareerpoq.