Arnaq ujaarineqartoq nassaarineqartoq
Politiit SAR-imik ujaasineq aallartimmassuk arnaq 20-nik ukiulik ajunngitsoq nassaarineqarpoq.
Arnaq 20-nik ukiulik ajunngitsoq nassaarineqarpoq.
Allattoq Hanna Vestergaard Hviid
marsip 03-at 2023 13:11
Nutserisoq Connie Fontain
Kalaallit Nunaanni Politiit arnaq 20-nik ukiulik Nuummi Tuapannguit ataanni kingullermik takuneqartoq SAR-imik ujaaralugu tallimanngornerup unnuaani aallartippaat.
Kommunimi upalungaarsimanermi annaassiniarnermi umiatsiaq, politiit angallataat SISAK Issittumi Sakkutooqarfiullu alapernaarsuutaa, Knud Rasmussen arnamik imaani ujaasitinneqarput.
Taakku unnuaq naallugu taarnera pissutigalugu sivikitsumik unillatsiarlutik ujaasigaluarput, iluatsinngitsumilli.
Tallimanngornermili ullup qeqqata missaani arnaq ajunngitsoq nassaarineqarpoq.
Politiit tusagassiuutinut nalunaarummi allapput.
Kalaallit Nunaanni Politiit innuttaasunit saaffiginninnerit qujassutigalugillu qatserisartut Issittumi Sakkutooqarfillu suleqatigilluiarnerat qujassutigaat.
