Ataatsimut isigalugit: Nioqqutissat qulit akikillineqartut aaku
Nioqqutissat ilaasa akikillinerat Pilersuisumi niuerniarninni immaqa malugereersimassavat.
Naalakkersuisut Royal Arctic Linemut 30 millionit koruuninik immikkoortitsinissaat Inatsisartut Aningaasaqarnermut akileraartarnermullu ataatsimiititaliaata septembarip 23-anni akuersineratigut appaasoqarpoq.
Tassa imaappoq Royal Arctic Linep Naalakkersuisullu nillataartunik qerisunillu – tassa nerisassanik assartuinermut uuliamut tapinik appaanissamut isumaqatigiissuteqarput.
Royal Arctic Linep nunap aningaasaanut uuliamullu tapii ukioq manna siusinnerusukkut pingaartumik Ruslandip Ukrainemut saassussinerata kingunerisaanik akitsorput. Orsussammi akiata qaffangaatsiarneranik tamanna kinguneqarpoq. Akillu assigiinngissutaat pisisartut kisimik akilersinnaavaat.
Pilersuisup nioqqutissat ulluinnarni pisiarineqarnerpaasartut 140-t 1 koruunimit 3 koruunimut akikillivai.
Nioqqutissat qulit akikillineqartutut assersuutigineqartut uani atuarsinnaavatit:
- Malteskorimit qapuaqqat 11,8 g.: Siullermik akia: 2,95 kr. Ullumikkut: 1,95 kr.
- Immuk kimikinneq 1,6 procent, 1 literi: Siullermik akia: 15,95 kr. Ullumikkut: 14,95 kr.
- Arlamit pære/banan yoghurti akuutissartaqanngitsoq,150 g: Siullermik akia: 8,95 kr. Ullumikkut: 6,95 kr.
- Kærgårdenimit punneq 75 procenti, 200 g.: Siullermik akia: 26,95 kr. Ullumikkut: 24,95 kr.
- Schulstadimit toastit 600g: Siullermik akia: 39,95 kr. Ullumikkut: 38.95
- Qajuusat Amomeersut, 2 kg: Siullermik aki: 27,95 kr. Ullumikkut: 24,95.
- Qaqorteqqasut kinertuliassat Rema 1000-imeersut, 1 kg: Siullermik aki: 20,95 kr. Ullumikkut: 17,95 kr.
- Araba Kaffe Kajortoq, 500 g: Siullermik akia: 59,95 kr. Ullumikkut 58,95.
- Arlamit jordbær yogurti, 150 g: Siullermik akia: 8,95 kr. Ullumikkut: 6,95 kr.
- Remamit saviatsit masattut 100-kkaartut. Siullermik akia: 22,95 kr. Ullumikkut 20,95 kr.
- Rema 1000-imit pommesfritesit maligaasattut, 1 kg. Siullermik akia: 26,95 kr. Ullumikkut: 24,95 kr.
