Ataatsimiititaliap ATV-nik nunatsinni ingerlaarsinaanermut malittarisassat misissussagai
Folketingimut ilaasortap Inuit Ataqatigiinneersup, Aaja Chemnitz Larsenip, sisamanik assakaasulinnik nunakkoorutinik ATV-nik nunatsinni ingerlatsisinnaanermut uppernasaatit allanngortikkusuppai.
Ataatsimiititaliap malittarisassat naapertuussagassaanersut nalilersussagaai, ministeri oqarpoq.
Inasisartunut ilaasortap Siumumeersup Henrik Fleischerip, ATV-inik ingerlatsinissamut uppernarsaateqaelrnissamut piumasaqaatit pillugit 2017-imi apeqquteqarpoq. Taanna taamani Partii Naleqqamut ilasortaavoq.
Erik Jensen, taamani attaveqaqatigiinnermut naalakkersuisuusoq, apeqquteqarfigaa.
Naalakkersuisut danskillu naalakkersuisui suleqatigiititakkut, malittarisassanik misissuisukkut, oqloqatigiittut Naalakkersuisoq apeqqummut taamaniakivoq.
Suliaq ukiuni pingasuni utaqqisinneqartoq
Folketingimut ilaaasortap Inuit Ataqatigiinneersup, Aaja Chemnitz Larsenip suliaq ukiut pingasut qaangiunneranni sammeqqilerpaa.
- Nunatsinni nunaqarfinni amerlasuuni ATV-it napparsiasunik innarluutilinnillu angallassinermi, allakkanik agguaanermi inuussutissarsiornermilu ingerlassissutitut pisariaqartippaat, Aaja Chemnitz Larsen ministerimut allappoq.
AAMMA ATUARUK Naalakkersuisoq ATV'inut akitsuutikinnerulersitsiniartoq
- ATV-inik nunatsinni ingerlatsiniaraanni ingerlatsisinnaanermut uppernaraateqarnisaaq akornutaavoq, uppernarsaatitaarnissaaq nunaqarfinni tamani ajornarmat. Nunatsinni innuttaasut angallasissuteqarnissamut taamaalillutik assigiimmik periarfissaqanngillat, taanna allappoq.
ATV-nik ingerlatsinissamut biilinik ingerlatsisinnaanermut uppernarsaateqarnissaq maannakkut piumasaqaataavoq. ATV-it biilitulli nalinginnaasutut nalunaarusugaassapput.
Ataatsimiittoqangajalernissaa naatsorsuutigigaa
ATV-nit atortorissaarutit traktorini atortorissaarutinut malittarisassat naammassissavaat.
Taavalu sukkanerpaamik nalunaaquttap akunneranut 30 kilometerinik ingerlaarsinnaatitaapput.
- Taamaammat ATV-t biilinut sanilliunneqarsinnaanngillat. Kalaallit Nunaanni angallannermut inatsit nunatsinni pissutsinut immikkut ittunut naleqqussarneqartariaqarpoq, Aaja Chemnitz Larsen Angallanngermut ministerimut, Benny Engelbrechtimut apeqquteqarluni allappoq.
Angallannermut ministerip folketingimut ilaasortamut akissuteqarnermi danskinik kalaallinillu oqartussanik inuttalerneqartumik attassuteqarnermut ataatsimiititaliamik ukioq manna februaarip qaammataani pilersitsisoqarsimasoq paasissutissutissiissutigaa.
Ataatsimiititaliap nunatsinni angalannermut inatsip nalilersoqqinneqarnissaa pisariaqarnersoq misissussavaa.
- Kalaallit Nunaanni ATV-nik angallannermut piumasaqaatinik allannguisoqassagaluaruni tamanna Naalakkersuisunit kiisalu kalaallit danskillu oqartussaasuisa angallannermut sillimaniarnissamut isumannaatsuutitsoqarsinnaaneranik naliliineratigut aatsaat allannguisoqarsinnaasariaqassaaq, Angallannermut ministeri allappoq.
Ataatsimiititaliaq corona pissutigalugu suli ataatsimiinngilaq. Kisianni sapinngisamik piaarnerpaamik ataatsimiittoqarnissaa, Angallannermut ataatsimiitsimiitiliap naatsorsuutigaa.
