Inuit 18.000-t Australiami oqartussaasunit qimagussortinneqartut

Australiami illoqarfissuup Sydneyp kippasissortaani, nunallu immikkoortuata New South Walesip qiterpasissuani avannarpasissuanilu inuit tuusintilikkaat qimagussorneqarput, tamaani siallingaatsiarnera pissutaalluni qarsutsinersuaqarmat, New South Walesillu kangisissortaani suli siallingaatsiarmat.

Qarsutsinersuaqarnissaanut aarlerisaarutit ataasinngornermi 40-t sinnerpaat, inuillu najugaqarfimminniit qimagussorneqarnissaannut peqqussutit 20-t sinnersimallugit.

Nutaarsiassaqartitsivik dpa taama allaaserisaqarpoq.

Inuit 18.000-t missaanniittut New South Walesimi angerlarsimaffimminnit maannamut qimagussorneqarsimasut, nunap immikkoortuata taassuma naalakkersuinikkut siuttuata Gladys Berejiklianip tv-qarfimmut ABC-mut oqaatigaa.

Qimagussorneqartut amerlanerit New South Walesip qiterpasissuani avannarpasinnerusortaanilu najugaqartuupput. New South Walesimi 1929-mili aatsaat taama qarsutsinersuaqartigaaq.