Berlinimi angut eqqarsartaatsimigut innarluutilik biilerluni inunnik aporaasimasoq
Tysklandimi Berlinimi biili sukkalisaarluni pisuinnaat aqqutaatigoormat inuk ataaseq toqutaavoq 14-illu ajoquserlutik.
Biilinik aquttoq tassaavoq 29-nik ukiulik tyskisut innutaassuseqartoq arminiamiunillu kingoqqusuusoq. Taanna eqqarsaartaatsimigut innarluuteqartoq, Berlinemi borgmesteri oqarpoq.
AAMMA ATUARUK Tysklandimi politiit islamisiortut najugaqarfiinut pakasaasut
29-nik ukiullip iliuuserisaminik politiinut nassuiaanera paatsuunganarsimavoq ataqatigiinnanilu.
Peqqarniisaarniartoqarsimanngitsoq, politiit qulakkeerlugu oqaatigaat.
Biilinik aporaasoqarnerani toqutaasoq taasaavoq 51-nik ukiulik ilinniarititsisoq arnaq Tysklandip naalagaaffiisa ilaanni Hessenimeersoq. Taanna atuartitanilu Berlinimut paasisassarsiorlutik angalasimapput. Atuartut meeqqat aporaasoqarnerani ajoquserneqartut arlaqarput.
