Biden: USA-mi ilungersunartorsiorneq ataatsimoornikkut qaangersinnaavarput

Joe Biden demokraatinit præsidentimut qinigassanngortitaanini pisortatigoortumik akueraa.

"USA-mi ilungersunartorsiorneq ataatsimoornikkut qaangersinnaallutigullu qaangissavarput". Joe Biden USA-mi naalagaaffimmi angerlarsimaffigisaminit Delewaremit TV-kkut oqalugiarami taama oqarpoq.

- Maanna neriorsorpassi: Præsidentiunissannut tatigigussinga ajunngitsortagut atorluarusuppakka, Biden oqarpoq.

AAMMA ATUARUK Obama: Donald Trumpip præsidentiunini piviusulianik takutitsinertut isigaa

Donald Trumpip coronap tuniluunnerani sulinera aamma isornartorsiorpaa.

- Præsidentitta coronaviruseqarunnaassassoq oqaluttuutiinnavippaatigut. Tupinnartumik pisoqarunissaa utaqqiuartuarsinnarpaa. Inuttaanulli nutaarsiassaateqarpunga: Tupinnartumik pisoqarnavianngilaq, 77-inik ukiulik Biden demokratiusoq oqarpoq.

Amerikami aningaaarsiorneq isasuuissimasoq aningaasarsiornerullu ilorraap tungaanukaqqinnissaanut Trump pilersaaruteqanngitsoq, taassuma ilanngullugu erseqqissaatigaa.

- Uangali pilersaaruteqarpunga, Biden oqarpoq.

Biden nukissiuutinik mingutitsinngitsunik suliffinnik pilersitsiniarluni iliuuseqarniarpoq.