Belgiami karnevalertoqarnerani biili sukkalissaarluni inuppassuit akornannut pinerani inuit arfinillit toqutaapput
Belgiamii biili sukkarujussuulluni inuppassuit akornannut pivoq. Peqqarniisarniat taamaaliorsimagunanngillat.
Belgiami illoqarfeerannguami Strépy-Bracquegniesimi biili sukkasoorujussuulluni inuppassuit akornannut pinerani inuit arfinillit ajunaarput. Peqqarniisaarniartoqanngitsoq oqaatigineqarpoq.
Allattoq Ritzau
marsip 20-at 2022 17:43
Najukkami oqartussaasut sapaammi taama paasissutissiipput.
Inuit 26-it ajoqusingaatsiarput.
Biilimik aporneqartut karnevalertoqarnerani ingerlaaqatigiinnissamut piareersarneranni aporneqarput.
Tusagassiortunik katersortitsisoqarnerani unnerluussisussaatitaasoq Damien Verheyen oqaluttuarpoq, biilimik aporsisoqarnerani peqqarniisaarniartoqarneranik takussutissaqarpasinngitsoq
Inuit marluk tigusarineqarput
Biilimi inuppassuarnik aporsinermi atorneqartumi inuit marluk issimasut tigusariqaneqarput.
Inuit marluk tigusarineqartut 30-it missaannik ukioqartut politiit paasissutissiipput.
