Black Lives Matter inussiaateqarsimaneq pillugu saqqummersitsinissamut isumassarsititsisoq
Hollandip inussiaatilittut naalagaaffiusimanerata allaaserineqarnera annertooq Hollandip naalagaaffiata katersugaasiviani Rijkmusemumimi saqqummersinneqartussanngorpoq, inussiaateqarneq pillugu saqqummersitsineq siulleq.
Katersugaasivimmut takuniaasut inussiaataasimasut oqaluttuaannik paasisaqassapput aamma Hollandimiut inuissiaatinik piisaarnerannik oqaluttuunneqassapput.
Tuluit aviiisiat The Guardian taama allaaserisaqarpoq.
Hollandimiup qalipaasartup tusaamasarsuup Rembrandt-ip inussiaatillit pillugit qalipagai marluk saqqummersinneqassapput, taakkua saniatigut saqqummersitat allat 140-it katersugaasiviup Rijkmuseumip Parisimiu Louvremi katersugaasiviup pigisai saqqumersinneqassaaput, ilaatigut inussiaatit isikkamikkut kalunnillit qalipanneqarnerat saqqummersinneqassapput.
Saqqummersitsinermi inuit qulit Hollandip 1700-kkunnit 1863-it tungaanut inussiaateqarnerani arlaatigut oqaluttuarisaanermi ilaasimasut nassuiaatiginiarpai.
