Boris Johnsonip ajugaanini apeqquserneqartariaqarsorinngikkaa
Tuluit Nunaanni ministeriunerup Boris Johnsonip partiaani Konservativini ministeriunermik tatiginnikkunnaarneq ippassaq ataasinngornermi taasisitsissutigineqarmat Boris Johnson ajugaavoq, tassalu ministeriunertut ingerlaqqissalluni.
Ministeriunermik tatiginnikkunnaarneq taasititsissutigineqarmat, Boris Johnsonip siulittaasutut ingerlaannarnissaanik tapersersuisut 211-upput akerliusullu 148-llutik.
- Soorunami paasivara partiitut naalakkersuisutullu ataatsimoortariaqartugut taamaaliussaagullu, Boris Johnson ajugaanermi kingorna taama nutaarsiassaqartitsivimmit Reutersimit issuarneqarpoq.
AAMMA ATUARUK Boris Johnsonip akisussaaffik tamaat tigugaa: Ilinniutigaara
Johnson coronap atuunnerani mattusimatitsinemi maleruaqqusat unioqqutillugit inunnik arlalinnik fiistertitsisimanini ministeriunertut sivisuumik najummassimanartorsiutigaa.
Tuluit Nunaanni naalakkersuisoqarfinni coronap atuunneratani fiistertitsisarsimanerit pillugit qulaajaanermit nalunaarusiaq maajimi saqqummiunneqarmat naalakkersuisut akisussaatinneqarput.
