Canadami naalakkersuisut illuinnarsuutit nioqqutaajunnaarsikkusukkaat

Canadami kikkulluunniit illuinnarsuutit ulluinnarni atorfissaqartinnagit timersornermi piniarnermiluunniit taamaallaat atorfissaqartittaraat, ministeriunerat isumaqarpoq.

Allattoq Ritzau

maajip 31-at 2022 08:34

Nutserisoq Mads Lynge

Sakkut illuinnarsuutit nioqqutaajunnaarsinneqarnissaat, Canadami naalakkersuisut siunnersuutigilersaarpaat.

Canadami ministeriuneq, Justin Trudeau, ataasinngornermi taama oqarpoq.

Meeqqat 19-it ilinniartitsisullu marluk, USA-mi naalagaaffimmi Texasimi illoqarfimmi Uvaldemi angummit 18-inik ukiulimmit atuarfiit ilaanni sapaatit-akunnerata siuliani aallaaneqarlutik toqutaareersullu, Canadami naalakkersuisut taama nalunaaruteqarput.

AAMMA ATUARUK USA pillugu ilisimasaqarluartoq: Sakkut pillugit inatsisip allanngortinnissaa Bidenimut ajornakusuussaaq

Sakkut illuinnarsuutit inerteqqutaalernissaannut inatsisissatut siunnersuut akuersissutigineqassappat, inatsisip ukiaru atuutilersinneqarsinnaanissaa naatsorsuutigineqarpoq.

Canadami sakkut pillugit inatsisit USA-mut naleqqiullugu sukannerneroreeqaat.

Sakkut assigiinngitsut 1500-t missaat Canadami ukiut marluk matuma siornatigut nioqqutaajunnaarsinneqarput, aallaaseq AR-15 taakkununnga ilaalluni.

Nutaarsiassami kukkunermik nassaarsimaguit uunga allaffigineqarsinnaavugut.