Charles III Tuluit Nunaanni kunngitut ivertinneqarpoq
Tuluit Nunaanni kunngissaq ateqartoq Charles Phillip Arthur Georg maanna taaguuteqalerpq Kunngi Charles pingajuat.
Tamanna pivoq atorfimmut ikkuteqaarnermi siunnersuisoqatigiit immikkut ittumik ataatsimereerneranni arfininngornermi pisortartigoortumik nalunaarutigineqarluni, taakkua Tuluit Nunaanni naalagaaffimmi qullersamik nutaamik toqqaapput, Dronning Elisabeth aappaat sisamanngormat toqunerata kingorna.
- Guutip kunngi sernigiliuk, tuluit nunaani inatsisartunut ilaasortaaq Penny Mordaunt taama suaaruteqarpq, siunnersuisoqatigiit pisortatigoortumik nalunaarutaat ullumi aqqanermut tusareeramiuk,
Tamatuma kingorna Kunngi Charles uppersaammik oqaaseqarpoq, naalagaafimmi qullersanngornini ilisimaarilluarlugu tamannalu , pisussaaffeqartoq annertuumillu akissussaaffeqartoq oqarluni.
Prins Charles Philip Arthur George maanna taaguuteqalerpoq Kunngi Charles pingajuat
- Isumassarsisitsartutut maligassiusuuniarpunga, kunnginngortoq taama oqarpoq.
Nalliuttorsiorluni malunnartitsisoqarpoq Tuluit Nunaani kunngikkormiut pisortatigoortumik allaffeqarfiini St. James Placem-mi kunngikkormiut illusaarsuata Buckingham Placep qanittuani.
Tuluit Nunaani Dronningi Elisabeth aappaat, kunngikkormiut illussaarsuanni Balmoralimi Skotlandimiittumi sisamangormat 96-nik ukioqarluni toquvoq.
