Corona pillugu ullumikkut kisitsisit: Tunillatsissimasut nutaat 28-t
Qasigiannguani 12-t Nuummi 15-it Uperviup nunaqarfianilu Nuussuarmi ataaseq.
Nuummi misissortiffik.
decembarip 09-at 2021 13:54
Nunatsinni tunillatsissimasut nutaat 28-t ullumikkut paasineqarput.
Qasigiannguani 12-t Nuummilu 15-t. Upernaviup nunaqarfiani Nuussuarmi covid-19-imik tunillatsittoqarsimasoq pingasunngornikkut unnukkut aamma nalunaarutigineqarpoq.
Tunillatsissimasoq Nuussuarmiit Upernaviup peqqinnissaqarfianut nuunneqarsimavoq peqqissiartulerporlu.
Taama Nakorsaaneqarfik nalunaaruteqarpoq.
Naalakkersuisut Nuussuarmi tunillatsissimasoqarnera peqqutigalugu ersiutit soorlu quersorneri, kissarneqarnerit mamassutsinik malussarsinnaanerit imaluunniit naamasinnaanerit annikillineri innuttaasut eqqumaffigeqqullugit Naalakkersuisut kaammattuutigaat.
Tunillatsissimasut amerlassusaat kommunikkaarlugit uani takukkit:
- Avannaata Kommunia: 23-t
- Kommune Qeqertalik: 95-t
- Qeqqata Kommunia: Tunillatsissimasoqanngilaq
- Kommuneqarfik Sermersooq: 136-t
- Kommune Kujalleq: Tunillatsissimasoqanngilaq
