Coronamut akiuussutissaq nutaaq akuerisaasoq

EU-p nakorsaatinut tunngatillugu oqartussaqarfiata EMA-p Novavaximiit akiuussutissatut saqqummiunneqartoq nutaaq akuereqqullugu innersuussutigaa. Akiuussutissarlu pineqartoq tassaavoq inuusuttunut 18-leereersimasunut coronamut akiuussutissaliaq.

Taannalu siunissamut tallimassaanik akiuussusersuutissatut eqqanaarutaavoq, tassa coronap allannguutaa kingulleq omikron sakkortusissagaluarpat akiuussutissaajumaartussaalluni.

Akiuussutissaq nutaaq taanna Novavaximeersoq USA-mi sananeqarpoq, qarasaasiaqarfissuillu marluk misissuinerisa takussutissaqartissimavaat sunniuteqarluarsinnaassusaa 90 procentimiittutut nalilerneqarsinnaasoq, taama EMA avammut nalunaarpoq. omikronimillu sunniuteqarsinnaanera pillugu paasissutissat killeqartut erseqqissaatigineqarportaaq.

Akiuussutissarlu taanna maanna EU-mi ataatsimiititaliarsuarmiit akuersissutigineqassanersoq nalilersorneqassaaq.

Taamatuttaaq Filippinerit nunaanni aammalu Indonesiami akuerineqareersimavoq. nakorsaasiorfiullu tassa maanna EU-p akuersinissaa qinnuteqaatigaa, taamatuttaaq Tuluit Nunaata nunallu allat aamma akuersinissaannut utaqqilluni.

Oqaatigineqarporlu akiuussutissaliaq nutaaq ukiup naannginnerani USA-mi akuersissutigineqassasoq, tassa nunami sananeqarfimmini.