Danmark: Danskit naalakkersuisuisa suliffeqarfiit Ruslandimik qimatsinissaannik ikiorniarpaat

Danskit naalakkersuisuisa suliffeqarfiit Ruslandimi aallartitsinissaat ikioqqinnianngilaat. Ilutigalugulu suliffeqarfiit Ruslandimit aniniartut imaluunnit kinguneqartitsinernit eqqorneqartut ikioorneqarnissannik neqeroorfiginiarpaat.

- Nunarsuarmuyt anillakkaangatta nalinginnaasumik suliffeqarfiit ikiortarpavut niuffaffimmut isernissaannut ikiortarpavut nioqqutissaasalu tuniniarnissaannik ikiuuttarluta,m taakku Danmarkimut suliffissanik nunanullu allanut nioqquteqarnissamik pissarsisitsisarmata.

- Ruslandimi taamaliorunnaarpugut, nunanut allanut ministeri Jeppe Kofod (S) ataasinngornermi oqarpoq.

Inuussutissarsionermut ministeri peqatigalugu tusagassiortunik ataatsimiititsinermi Jeppe Kofod  oqaluttuarpoq, naalakkersuisut suliffeqarfinnut russit kinguneqartitsinerannik eqqugaassagaluarpata paasinninnissaannik imaluunniit allamut saannissaannik ikiussallugit danskit naalakkersuisui piareersimasut.

EUp sinnera nunallu killiit allat peqatigalugit Danmark Ruslandimut aningaasaqarnikkut arlalinnik kinguneqartitsivoq. Rusland akissuteqarpoq akisilluni aamma kinguneqartitsiniarluni.

Tamatuma danskit suliffeqarfiutaat russit niuerfiannik qimatsisinniassappagit Udenrigsministeriet (Nunanut Allanut Naalakkersuisoqarfik) aamma Erhvervsministeriet (Inuussutisarsiornermut Naalakkersuisoqarfik) ikiuukkusupput.

Assersuutigalugu ataasinngornermi Arla nalunaaruteqarpoq immunnik nioqquteqarfiissuup Ruslandimi suliaqarnini kingulliit unitsillugit. 2014-imiit Arlap  har siden 2014 haft en begrænset aktivitet i Ruslandimi suliaqarnini annikillivai, kisianni Arlap Ruslandimi immikkoortuani suli sulisut 70-upput.

Danskit naalakkersuisuisa naatsorsuutigaat Ruslandip Ukrainemik sakkutuuliinerata kingunerisaa aningaasaqarnikkut malunniutissasoq. Kisianni erhvervsminister (inuussutissarsiornermut ministeri) Simon Kollerup (S) naapertorlugu qanoq annertutiginissaa nalileruminnaappoq.

- Massakkorpiaq inissisimalluarpugut. Aalassassimaa. rtoqalissagaluarpat piareersimavugut, ataasinngornermi oqarpoq.

Siullermilli suliffeqarfinnut inunnulluunniit aningaasaqarnikkut ikiuinissamik nutamik danskit naalakkersuisuinit pilersaaruteqartoqanngilaq.