Danmark gassimik Ruslandimeersumik suli pilersorneqartoq

Danmark gassimik Tysklandimit ullumi pingasunngornermi suli pilersorneqarpoq.

Nutaarsiassaqartitsivik Reuters Energinetimit paasissutissat aallaavigalugit taama allappoq.

AAMMA ATUARUK Pillaatitut iliuuseqarnissamut inatsit tusarniaassutigineqartoq

Gassimik Ruslandimi pilersuisoq Gazprom gassimik Danmarkimut suliffeqarfik Ørsted aqqutigalugu pilersuiunnaarniarluni aalajangereeraluartoq, Danmark gassimik tassa suli pilersorneqarpoq.

Suliffeqarfik Ørsted gassimik Gazpromimit pisinermi russit aningaasaannik Rublinik akiliiumanngimmat Gazprom gassimik Danmarkimut pilersuiunnaarniartoq, Ørstedip marlunngornermi ualikkut nalunaarutigaa. Rublinik akiliisoqartarnissaa Gazpromip piumasarigaluarpaa.

AAMMA ATUARUK Gazprom Hollandimut gassimik pilersuiunnaartoq

Ruujorimilli Ruslandimit Danmarkimut toqqqaannartumik peqanngilaq. Gazpromilu gassimik Ørstedimut pilersuiunnaarniaraluartoq Ørsted gassimik allamit suli pissarsisinnaassaaq.

Gazprom gassimik Danmarkimut pilersuiunnaaginnanngilaq. Holland, Finland, Bulgaria Polenilu Gazpromimit gassimik aamma pilersorneqarunnaarnikuupput.