Danmarkimi Naatsorsueqqissaartarfiup qinikkat agguataarnerat tallimanngornermi piariissagai

Danmarkimi Naatsorsueqqissaartarfiup folketingimut qinersinermi qinikkat agguataarnerat kingusinnerpaamik tallimanngornermi nalunaaqutaq ullup qeqqanut naammassissavaat.

Danmarkimi Naatsorsueqqissaartarfik tusagassiuutinut nalunaarummi taama allappoq.

Taamaalilluni talerperliit saamerliillu akornanni qinikkat partiini qanoq agguataarnersut tallimanngornermi erseqqinnerulissaaq.

Partiinit ataasiakkaanit kikkut qinigaanersut aamma kikkut sinniisussaanersut sapaatip akunnerani aggersumi erseqqissarneqassaaq. Danmarkimi naatsorsueqqissaartarfik allappoq.

Danmarkimi Naatsorsueqqissaartarfiup qinersinerup inerneri misissoqqissaartuaannarpai.

Ukioq mannali immikkut ittumik misissorluaqqissaarneqarnissaat aalajangerneqarpoq. Tamanna qinersinermi naligiinngaatsiartoqarneranik pissuteqarpoq.

Tamatuma saniatigut qinersinerup inernerata agguataarinissamut malittarisassaq immikkut ittoq atulersippaa. Tamanna folketingimut qinersinermi inatsimmi paragraph 77 imm. 4-mut tunngavoq.