Sydafrikami biskopiuneq Desmond Tutu toquvoq

Sydafrikami biskopiuneq inuillu pisinnaatitaaffiinik sorsuutiginnittoq Desmond Tutu 90-ni ukioqarluni toquvoq.

Sydafrikami præsidenti taama nalunaaruteqarluni paasissutissiivoq.

Sydafrikami ammip qalipaataanik assigiinngisitsineq sioqqullugu atorunnaarsinneqarmallu Desmond Tutu Sydafrikami qitiusumik inissiisimavoq.

Sydafrikami naalakkersuisuusimasunut ammip qalipaataanik assigiinngisitsisunut Desmond Tutu sakkortuumik isornartorsiusarpoq.

Desmond Tutu nakuuserneq atornagu akerliliisarnerminik Nobelip eqqissinermut nersornaasiuttagaanik 1984-mi nersornaaserneqarpoq.

Desmond Tutup toquneratigut aliasunnerput oqaluttuarisaanermut ilaavoq, kinguaariinni sydafrikamiutsialaat ilaannik inuiaattut inuulluaqqusineruvoq, Sydafrikap aniguisitaaneranik kingornussisussanngortitsisoq, Sydafrikami præsidenti Cyril Ramaphosa tusagassiuutinut nalunaarummi taama oqarpoq.,

Saammaasseqatigiinnissamut suliniuteqartoq

Sydafrikami naalakkersuisuusimasut ammip qalipaataanik assigiinngisitsisut ajalusoormata, Sydafrikap ingerlariaqqinnissaanut Desmond Tutu annertoorujussuarmik inissisimavoq.

Desmond Tutu Nelson Mandelamit ataatsimiititaliarsuarmi aqutsisussatut toqqarneqarpoq, qaamasumik amillit pissaanermik tigumminninneranni inuit pisinnaatitaaffiinik unioqqutitsisoqartarneranik qulaajaasussatut.

Ataatsimiititaliarsuaq taaguuteqarpoq ilumoortussaq pillugu isumalioqatigiissitaq.

Kingorna silap pissusaata allanngoriartorneranut oqallinnermi Desmond Tutu peqataasarpoq