Naalagaaffiup Digitalimik Sullissinermut Aqutsisoqarfia: Kalaallit Nunaanni pissutsit immikkuullarissut isiginiarneqarput
- Aap, Kalaallit Nunaanni pissutsit immikkuullarissut eqqumaffigineqarput. Kinaassutsimut uppernarsaammik pisariaqartitsigaanni, tassa MitID-taarniarluni atornneqarsinnaasumik kinaassutsimut uppernarsaammik pisariaqartitsisimagaani, nunaqarfimmilu innuttaasunut Sullissiveqanngitsumi najugaqarluni, taava nunaqarfimmi suleqataasumut saaffiginnittoqassaaq.
Adam Lebech taamak oqarpoq.
Taamaattorli innuttaasoq ikiorneqarnissaminik pisariaqartitsisoq illoqarfimmut qaninnerpaamut Sullissivilimmukartariaqarpoq suli.
Taamaattorli aamma Sullissiviit amerlanerit innuttaasunut MitID-mut nuunniartunut toqqaannartumik ikiuussinnaanngillat.
Manna tikillugu Kommuneqarfik Sermersooq kisiartaalluni akuersissutaateqarpoq innuttaasuminik MitID-taarniartunik ikiuussinnaanissaminut MitID-taartitsisinnaanissaminullu.
AAMMA ATUARUK Innuttaasut 5.000-ngajaat MitID amigaatigaat - Timotheus Petersen taakkununnga ilaavoq
Kommunit akuersissutinik pissarsisussanngulerput
Naalagaaffiulli Digitalimik Sullissinermut Aqutsisoqarfiani pisortaanerup tullersortaa, Adam Lebech oqaluttuarpoq akuersissummik pissarsiniarneq imaaliallaannaq naammassineqarsinnaanngitsoq:
- Kommunitut akuersissummik pissarsiniartarneq pisariitsuinnaanngilaq, tassa innuttaasunik Sullissivimmi sulisussat tassani ilanngullugit akuersissut pissarsiariniarneqartarmat. Tassunga pissutaavoq sillimaniarnermut piumasaqaatit nunat tamalaat akornanni piumasaqaatitut qaffasitsigimmata.
AAMMA ATUARUK Avannaata Kommunia: Vi hjælper med MitID
Bankit NemID oktoberip 31-ani matussavaat
Pisortat ingerlatsiviini tamani ikaarsaarneq aappaagumut junimut killeqartinneqaraluartut bankit tamarmik piumaffigineqarnikuupput NemID atorunnaavinneqariissasoq kingusinnerpaamik oktoberip 31-iani:
- NemID bankini oktobarip 31-ianiit internet aqqutigalugu pisiniarnernut atorneqaqqusaajunnaassaaq, tassungalu tunngatillugu arlaannik ajornartorsiuteqaraanni aaqqiissutaasinnaasullu atornissaannut periarfissaqarsimanngikkaanni, nammineq bankerisaq attavigineqarsinnaavoq allatut aaqqiissutissarsiornissaq siunertaralugu, Adam Lebech KNR-imut nassuiaavoq.
