Dronning Elizaberthip toqunera Canadami isummersuutaasoq

Dronning Elisabethip peerunnera Canadami oqallisaalerpoq.

Tuluit Nunaanni kunngitut atuuffik Kong Charlesimit kunngiuffigineqalernera nunani allani Tuluit Nunaata ataani nunasiaatigineqartuni aqunneqartuniluunniit 14-iusuni soorlu ilaatigut Canadami aamma kunnginngortussanngussasoq, aamma isumaqarpoq.

Tuluit Dronningiat Canadamilu nunap inoqqaavi ukiorpassuit ingerlaneranni immikkuullarissumik imminnut atassuteqartuupput.

Ukiut 100-likkaat ingerlaneranni nunap inoqqaavinut tunngatillugu isumaqatigiilluni aalajangersakkat, isumaqatigiissuterpassuillu Dronning Elisabethimit Tuluit Nunaanni Kunngip illussaarsuaniit malinnaavigineqarlutillu peqataaffigineqarsimapput.

Tamakkualu taakku akunneranni isumaqatigiissutaasimasorpassuit suli atuukkaluartut, amerlaqisut malinneqarneq ajorput, pisoqalivallaarsimasutulluunniit isigineqarlutik.

Dronning Elisabethip toqunerata kingorna maanna isummersuutigineqarlutillu qisuariaataalersut.

Manitok Thompson, Nunavummi ministeriusimasoq CBC News-mi apersorneqarnermini soorlu ima oqarpoq:

- Uagununa nunarput, Tuluit kunngikkormiuisa pisinnaatitaaffitsinnik oqaasissaqarfiginngilaatigut, Tuluit Nunaanni kunnginngortoq atorfissaqartinngilarput.

Allalli nunap inoqqaavi soorlu First Nationsit naggueqatigiillu Inuit CBC Newsimut oqarput, Tuluit Nunaani kunngip illussaarsua ataqqigitsik, immaqalu isumaqatigiilluni aalajangersakkanik malinninnissamut ikiorsinnaassagaatsik.

Tassalu imaappoq, Canadap Tuluit Kunngeqarfianut ukiuni 100-likkaani atassuteqartuarsimanera oqallisaalerpoq, immaqalu nalilersorneqaqqittussanngussalluni.