Dronning Elizabeth juullikkunni angerlarsimaannassasoq
Tuluit Nunaata droninngia Elizabeth II kunngikkormiut Sandringhamimi angerlarsimaffianni nalinginnaasumik juullisiortaraluarluni Windsor Castlemi juullisiussaaq.
Coronavirusip allannguutaata omikronip tuniluutipiloornera tamatumunnga pisssutaasoq, kunngikkornmiuni tusarfiit oqartut tusagassiuutit arlallit allapput.
- Isumaliuutigilluareerlugut inuttut taama aalajangerpoq, taamaaliornerlu mianersornermik takutitsivoq, tusarfik ataaseq Reutersimut oqarpoq.
- Ilaquttat juullernerani Windsorimukarumaarput, malittarisassallu tamarmik malinneqassapput.
Nakorsat dronningi eqqissisimaaqqugaat
Sandringhamimukassannginnera juullernerani ukiorpassuarni ileqquliussamik malinninnginnerussaaq..
Tuluit Nunaanni coronavirusit ilaat omikron piffissami kingullermi tuniluutilerpoq.
Dronningip 95-inik ukiullip peqqissusaata ernumassutigineqarnera qaammatini kingullerni pisortatigoortumik pilersaarutaanut eqquisaqattaarpoq.
Dronningip ullormi ataatsimi napparsimmavimmiinnissaa nakorsat oktobarimi innersuussutigaat.
Dronningip kunngikkormiuni ilaqutariinni ileqquusumik juullimut nereqatigiittarneq sapaatip akunnerata siuliani taamaaliinnarpaa. Tamanna coronamik nunarsuaq tamakkerlugu tunillaassuuttoqarnera pissutigalugu ukiut aappassaani taamaatiinnarneqarpoq.
Dronninng Elizabethip uigigaluani, prins Philip apriilimi toqukkut qimaguttoq peqatiginagu aatsaat juullisioqqaassaaq. Taakku ukiuni 73-ini katisimasimapput.
