Ellemann-Jensen isornartorsiorneqareerluni nassuiaanialerpoq
Venstrep siulittaasuata, Jakob-Ellemann-Jensenip, Danmarkimi naalakkersuisoqatigiiliorniarluni isumaqatigiinniarnerit pillugit Venstrep siulersuisuunerinut borgmesterinullu assigiinngitsunut ataasinngornermi unnukkut ilisimatitsissuteqarniarpoq.
TV 2 taama allaaserisaqarpoq, siulersuisuunernik borgmesterinillu unnugu nalunaaqutaq arfineq-pingasunut aggersaasoqarsimanera pillugu takusaqarsimanerarluni.
AAMMA ATUARUK Mette F. siammasissumik naalakkersuisoqatigiiliortoqarsinnaa-nissaanut isumalluartoq
Ministeriunerugallartup, Mette Frederiksenip, Socialdemokratiusup, minkinik toqoraasoqarnissaanut atatillugu aalajangiinermi inissisimanerata eqqartuussissuserisunit misissorneqarnissaanut piumasaqaat tunuartereeraalu, Venstremi siulersuisuunerit borgmesterillu naapissapput.
Venstre Socialdmokratillu naalakkersuisoqatigiiliornialeruttorput. Tassungalu atatillugu piumasaqaatit ilaat qasukkaamitinneqartariaqarlutik.
