Angela Merkelip russit tyskillu suleqatigiinnerat isornartoqarsorinngikkaa

Tysklandimi forbundkansleriusimasoq, Angela Merkel, Forbundkansleritut tunuarnermi kingorna tusagassiortunit apersorneqarluni siullermeersumik oqaaseqarpoq.

Ruslandimut taamatullu præsidentimut Putinimut tunngasuni iliuuserisimasaminik utoqqatsissutissaqarani, taasssuma erseqqissaatigaa.

Tyskit forbundskanslerii Ruslandimik aallartitaqarnikkut qanimut suleqateqarneri pillugit isornartorsiorneqartarput, ingammik Ruslandip Ukrainemut februaarimi sorsulernerata kingorna.

AAMMA ATUARUK Ukrainep sukannersumik naalakkersuisoqarnissaanik aalajangernera Putinip ernumanarluinnarneraraa

Taamali isornartorsiusoqarnera Merkelip ilumunnginnerarpaa.

Ukraine 2008-mi nunat killiit illersoqatigiiffiannut NATO-mut ilaasortanngorniarneranut Tyskland mattussimmat, tamanna kukkunerunngitsoq Merkel isumaqarpoq.

Ukraine NATO-mut laasortaasimagaluaruni Natomi ilaasortat soorlu USA-p Danmarkillu sakkutuuni Ukrainemukartissimassagaluarpai.

Rusland Ukrainemut sorusunnera utoqqatsissutissaqanngilaq naapertuilluartuunanilu, Merkel oqarpoq.

Angela Merkel Tyslandimi 2005-imiit 2021-p tungaanut forbundskansleriuvoq.