EU-p inatsisartui nutaamik siulittaasumut tullersorteqalertut

EU-p inatsisartuini socialdemokraatini ilaasortaq Luxemborgemeersoq Marc Angel EU-p inatsisartuini siulittaasumut ullumi pingasunngornermi tullinngorpoq.

EU-p inatsisartuini siulittaasup tullia Eva Kaili aningaasanik peqquserluuteqarsimasoq maannalu parnaarussaasoq taarserlugu, Marc Angel 59-nik ukiulik siulitaasumut tullinngorpoq.

AAMMA ATUARUK EU-p inatsisartuisa siulittaasuata Frankrigimi ataatsimiinnissaraluaq kinguartikkaa

Eva Kaili politiinit tigusaavoq aningaasanik 1,5 miliuunit Euronik angerlarsimaffimminiititaqartoq paasineqarmat.

Marc Angelip peqquserluttuliortoqanngissaanik pingaartitsisuunini ilisimaneqaatigaa.

EU-p inatsisartuini ilaasortat marluk peqquserluuteqarsimasutut pasisaallutik aamma parnaarussimaneqarput, taakku Qatarimiit Marokkomiillu aningaasanik anngiortumik nassinneqartarsimapput.