Finland NATO-mut ukioq naatinnagu ilaasortanngorsinnaassangasoq

Finlandip nunat killiit illersoqatigiiffiannut NATO-mut ukiup naannginnerani ilaasortanngorsinnaanissaa, Finlandip ministeriunerata Sanna Marinip ilimagaa.

Finlandimi tv-qarfimmut ataasinngornermi taama oqarpoq.

Finland nunat killiit illersoqatigiiffiannut ilaasortanngornissamut pisortatigoortumik qinnuteqarniartoq, taamalu arlaannaannulluunniit attuumassuteqannginnissamik ukiuni qulikkaani amerlasuuni politikkip qimanneqarnissaa siunniunneqarluni.

- NATO-mut ukiup massuma ingerlanerani ilaasortanngornissarput naatsorsuutigaara, Sanna Marin, ilaasortanngornissamut qinnuteqaateqarniarnerup qaqugu naammassineqarsimanissaa pillugu aperineqarami oqarpoq.

Ruslandip Ukrainemik saassusinera pissutaalluni Finland ilaasortanngornissamut ilaasortanngornissamut aalajangerpoq.

AAMMA ATUARUK Sverige NATO-mut ilaasortanngorniarluni aalajangertoq

Finland NATO-mut ilaasortanngussappat, tamanna Ruslandip Finlandillu akornanni pissutsinut annertuumik kinguneqa rumaartoq, Ruslandip sioorasaarutigaa.

Naak Rusland Sverigemut assingusumik sioorasaaruteqaraluartoq Sverige NATO-mut ilaasortanngornissamut aamma qinnuteqarniarpoq. Sverigemi ministeriuneq Magdalena Andersson ataasinngornermi taama oqarpoq.

Nunat marluk taakku ilaasortanngornissamut pisortatigoortumik qinnuteqaatitik suli tunniutinngilaat, tamannali ulluni tulliuttuni piumaartoq naatsorsuutigineqarluni.