Danskit illersornissaqarfiat qamutinik sorsuutinik aallartitsilertoq

Qamutit sorsuutit Danmarkip illersornissaqarfianeersut Balkanimiit 2003-mili Danmarkimut utertinneqarmatali maanna Baltikumimi Estlandiliaanneqalerput.

Danmarkimi illersornissaqarfik tusagassiutinut taama nalunaaruteqarpoq.

Qamutit sorsuutit 14-it Leopard 2A7-imik taaguutillit Baltikumiliaanneqassapput, nunat killiit illersoqatigiiffiata NATO-p sulineranut taakku peqataassapput.

- Oqaluttuarisaanermi arlalitsigut pingaarutilimmik qamutinik sorsuutinik aallartitsisoqassaaq. Leopard 2A7-imi nutartigaq nunamut allamut siullerpaamik aallartinneqassaaq, sakkutuut naalagaasa ilaat Kristian Kold tusagassiuutinut nalunaarummi oqarpoq.

- Qamutit sorsuutit ingerlaaqatigiit sisamat qamutinillu sorsuutinik katillugit 14-inik nunamut allamut aatsaat aallartitsissaagut, Kristian Kold oqarpoq.

AAMMA ATUARUK Nato Europap kangiani akiuuttartunik ataatsimoortunik sisamanik qunusaarutissanik inissiivoq

Qamutinik sorsuutinik aallartitsinissaq sivisuumik pilersaarusiorneqarpoq. Danmarkillu Baltikumimi nunanik Polenimillu tapersersuillunilu ersoqatigiinneranik takutitsinerussalluni.

NATO-p Europap kangisissuani sorsunnerup sakkortuseriarsinnaanissaanut piareersimanissaa qisuarialertorsinnaanissaalu siunertaavoq.

Ruslandip Ukrainemik saassussinerata kingorna tamanna pingaaruteqalersimavoq.