Frankrigimi qaarusummi inuup kigutaanik nassaap Europap oqaluttuarisaanera allanngortippaa

Europami inuit nalitsinneersut siulliit neandertalit tammarnerisa kingorna Europami ukiut 40.000-t 45.000-llu matuma siornatigut nunassissimanerat immikkut ilisimasallit oqaatigisarpaat.

Inuilli nalitsinneersut siulliit Europamut ukiut 40.000-t 45.000-llu akornanni matuma siornatigut anngunnatik ukiut 10.000-ngajaat sioqqullugit Europamut annguttut, tassa ukiut 54.000-t matuma siornatigut annguttut, misissuinerup nutaap takutipaa .

Ilisimatuussutsikkut sulianik allaaserisaqartartoq Videnskab.dk taama allaaserisaqarpoq. Misissuinerup inerneri Science Advancesimi saqqummiunneqarsimapput.

Inuup kigutai aallaavigalugit paasisat nutaat saqqummiunneqarput.

Inuit kigutai Frankrigimi Madrinip qaarusussuani nassaarineqarsimapput. Madrinip qaarusussua Frankrigip kujasissortaani Rhonep qooruaniippoq.

Kigutimerngit qulingiluat 

Arkæolog og lektor på Aarhus Universitet-imi itsarnisarsiuup lektorillu Trine Kelberg Nielsen-ip ilisimatuussutsikkut sulisut nassaavat taavaa  "paasisaq annertooq".

Kisianni inuup ineriartorneranik ilisimasani tunngavigalugit nassaaq uissuummissutiginngilaa, Videnskab.dk-mut oqarpoq.

- Vi har ventet på, at vi fandt steder i det vestlige Europap kitaani sumiiffinni taamaatut paarlakaattunik nassaartoqarnissaa ilimagisimavarput, nalunnginnatsigumi eqimattat taakku marluk attaveqatigiittarsimasut.

- Ukiulerneqarnerata taama siusitsiginerata – ukiut 10.000-it – sulisoqutiginarnerulersippaa. Ilisimatuussutsikkut misissuineq siuariarujussuartippaa, aamma ilimagisannit annertunerusumik, oqarpoq.

Ilisimatuussutsikkut sulisut kigutimerngit  katillugit qulingiluat nassaaraat ikinnerpaamik inunnit arfineq marlunnit.

Neandertalerit inooqatigisimavaat 

Taakkunannga ataaseq tassaavoq "timikkut inuk nutaaq"-meersoq, nalitsinni inunnut assingusumeersoq.

Kigutimerngit sinneri arfineq pingasut neadertalerineersuupput.

Nassaarisat tunngavigalugit ilimatuussutsikkut sulisut inerniliipput nalitta inua Europamut pisimasoq manna tikillugu ilisimasamit siunnerujussuakkut takkussimasoq.  

På baggrund af fund af "Atortut ujaqqanit sanaat arlalissuit" nassarineqartut tunngavigalugit ilisimatuussutsit sulisut aamma inerniliipput nalitta inui aamma neqandertalerit Europap ilaani nikittaraallutik inuusimasut, kisianni piffissap aalajangersimasup ataatsip iluani.