Umiarsuaq karrinik usisoq Ukrainemeersoq ikkarlittoq

Umiarsuaq karrinik 3000 tonsitut oqimaatsigisunik usisoq Ukrainemiit Tyrkiami Istanbulimukaartilluni Bosporusip ikeraasaatigoortilluni ippassaq sisamanngornermi ikkarlippoq.

Umiarsuaq ikkarlimmat Sortehavikkut Mamarahavikkullu angallannerit matuneqarput.

Umiarsuaq assartuut "Lady Zehma 173 mesterisut takitigisoq Tyrkiami nalunaaqutaq malllugu sisamanngornermi unnukkut arfinermut ikkarlippoq aquummigut ajoquteqarluni.

Ukrainemi sorsuttoqarnerata kingunerisaanik karrinik Ukrainep umiarsualiviinit qaammatip ataatsip missaata matuma siorna avammut assartuisoqarsinnaasimanngilaq.

AAMMA ATUARUK Umiarsuit pingasut karrinik usisut Ukrainemit avalattut

Tamanna karrinik tonsinik millionerpaalunnik oqimaassusilinnik Ukrainep umiarsualiviini Sortehavip ungasinngisaaniittuni uninngasuuteqalernermik kinguneqarpoq. Taamaammat Afrikap kangisinnersortaani atugarliorfiusuni ilungersunartorsiorfiulerneranik kinguneqartumik inuussutissat ilarpassui akitsorrapput.

Ukraine Ruslandilu Naalagaaffiit Peqatigiit Tyrkialu akunnermiliuttoralugit juulip 22-ani isumaqatigiissuteqarput. Tamatuma kingorna karrinik nioqquteqaqqittoqalerluni Ukrainep kujataani Odessap Tjornomorskip Pivdennyjillu umiarsualiviinit assartuisoqaqqittalerpoq.

Ukrainep Ruslandillu isumaatigiissuteqareersullu karrit 1,55 millionit tonsit inuussutissallu allat Ukrainemiit avammut assartorneqarput.