GSS suli assammik arsarnermi soriagassaanngilaq
Assammik arsartartut GSS Nuummeersut suli ajugaarusussuseqarluarput angutini arnanilu pissartanngorniunnerit kingulliit aqqaneq marluk pissartaareerlutik.
Angutini GSSip aamma Nagdlúnguup sapaammi ualikkut finalemi unammineranni GSS takutitsisuusiinnarpoq.
Arnani ukiup iligiivi:
Aquttoq: Maja Skovgaard-Motzfeldt, Iligiit
Isorleq talerperleq: Nuunu-Marie Lukassen, NÛK
Talerpiani tunorleq: Aili Pedersen, GSS
Isorleq saamerleq: Andrea Heilmann, GSS
Agguaasoq: Najaaja A. Lyberth, GSS
Titarnerup killinganiittoq: Ivaana Holm, GSS
Neriunaateqarnerpaaq: Ajla Bibi Knudsen, K-33
Akiuulluarnerpaaq: Panu P. Grønvold, Iligiit
Assersuillammak: Aili Pedersen, GSS
Iliminut naleqarnerpaaq: Ivaana Holm, GSS
Arnani isertitsinerpaat:
1. Nuunu-Marie Lukassen, NÛK, 21 mål
1. Tanja Kristiansen, Iligiit, 21 mål
2. Ajla Biibi Knudsen, K-33, 20 mål
2. Nivi J. Petersen, GSS, 20 mål
Angutini ukiup iligiivi:
Aquttoq: Suersaq B. Nathanielsen, Nagdlúnguak
Isorleq talerperleq: Rene Eriksen Petersenm
Tunuani talerperleq: Archibal Lennert, GSS
Isuani saamerleq: Pele Lynge, GSS
Agguaasoq: Inuujuk Ostermann-Søholm, GSS
Tunuani saamerleq: Constantino Bagatolli, Nagdlúnguak
Titarnerup killinganiittoq: Carlo Lyberth, NÛK
Neriunaateqarnerpaaq: Pavia Lynge, Iligiit
Akiuulluarnerpaaq: Archibal Lennert, GSS
Assersuillammak: Malik Frederiksen, GSS
Iliminut naleqarnerpaaq: Milan Olsen, Nagdlúnguak
Angutini isertitsinerpaat:
1. Lars Møller, Nagdlúnguak, 38 mål
2. Angutimmarik Kreutzmann, Aqissiaq, 35 mål
3. Pele Lynge, GSS, 34 mål
4. Constantino Bagatolli, Nagdlúnguak, 29 mål
Muminnermi 17-10-mik siuarsimapput unamminerlu naammassimmat 33-20-mik ajugaallutik. Nagdlúnguak isertitseriarnissamut periarfissarsilluaqattaaraluarpoq, nunanulli allanut unammisartuni aquttoq Isak Olsen piareersarluarsimavoq assersuisunillu ikiorneqarluarluni.
Arfininngormat unammisoqarnerani GSSip arsartuni pingaarutillit qasuersaartippai unammineq taanna kikkut finalerumaarnissaannut allannguisussaajunnaarmat.
Akerlianik Nagdlúnguak arfininngornermi NÛK ilungersungaatsiarpoq tassanilu qorsorpaluttut Ilulissaneersut aatsaat ajugaagunik finalemut anngussinnaagamik.
Aqissiaq Maniitsumeersoq bronzennanniunnermi ajugaavoq unamminerni aallarniutaasuni ajorsarfigisatik NÛK ajugaaffigigamikkit.
NÛK akiuulluarpoq
Arnat Nuummeersut GSSip aamma NÛKp finalemi unamminerat naligiiffiuneruvoq. Unamminerup 20-15-mik naammassinera unamminerup sivisunersaani pissanganartoqarsimaneranut takussutisseeqqissaanngilaq.
Muminnermi GSS 10-9-mik siuaqqavoq mumereernermilu NÛK malinnaammersorpoq unamminerup naammassiartornerani GSSip siuarnissaata tungaanut.
Bronzennaniunnermi iligiit ajugaapput K-33 Qaqortumeersoq 17-13-mik ajugaaffigigamikku
K-33-mulli aamma qiimmaallannartoqarpoq iligiit inuusuttuarartaat 16-nik ukiulik Ajla-Bibi Knudsen arnani neriunaateqarnerpaatut toqqagaammat.
