Illut uiguleriit ilaanni ikuallattoqartoq: Inuk ataaseq ajoqusertoq
Qasigiannguani Karl Olsvigsvejimi illut uiguleriit ilaanni ikuallttoqartoq, Kalaallit Nunaanni Politiit ullaaq nalunaaqutaq 06.33 kalerrinneqarput. Politiit qatserisartullu inuit pingasut ikuallattumiit qimagussorpaat.
Politiit tusagassiuutinut taama nalunaarput.
Qatserisartut ikuallattoq qamereerpaat, aamasinnaasunilli suli qamisaapput.
Inuk ataaseq ikuallattumiit aniguiniarluni igalaamiit meterit arfinillit missaannik portussusilimmiit pissittariaqarsimasoq ajoqusersimavoq. Tamatuma saniatigut inuit allat marluk putsumik najuussuisimasut nakkutigineqaleruttorput.
Ikuallanneq illup qaliaatigut siarualertornissaa aarleqqutigineqarmat, inuit allat pingasut illut uiguleriit taakkua arfineq-marluusuniit aamma qimagussorneqarput.
Illut uiguleriit ilaanni sooq ikuallattoqalersimanersoq, politiit suli oqaatigisinnaanngilaat.
