Ilulissani angut aallaasersortoq tigusarineqartoq

Angut nammineerluni politeeqarfimmukartoq politeeqarfimmilu tigusarineqartoq, pigaartup pisortaa ilisimatitsivoq.

Allattoq Marie Kûitse Kristensen

novembarip 16-at 2022 10:12

Ilulissat illoqarfiup qeqqani Pisiffiup eqqaani angut aallaasersortoq ippassaq ualikkut nalunaaqutaq 16:35 politiinut nalunaarutigineqarpoq.

Politiit sumiiffimmut apuummata angut pinaaserpoq silaannarmullu eqqaassilerluni. Inunnillu ajoqusertoqannginnissaa anguniarlugu angut politiinit qimaaginnartinneqarpoq.

Kalaallit Nunaanni politiit pigaartuisa pisortaat, Jens Rønberg KNR-imut oqarpoq.

Kingorna politiit aallaasersortumut sianerput.

- Sianerfigaarput oqarfigalugulu aallaaseq ilissagaa politeeqarfimmukarlunilu. Peqqussuterput malillugu iliorluni nammineq politeeqarfiliarpoq, politeeqarfimmilu nalunaaqutaq 17:47 tigusaraarput, Jens Rønberg oqarpoq.

Angut ullumi eqqartuussivimmi sassartinneqassaaq, taannalu tigummigallagassanngortinneqassanersoq aalajangerneqassalluni.

Ilulissani politiit Pisiffiup eqqaani silaannarmut eqqaassisoqarnerani takunnissimasunik suli oqaloqatissarsiorpoq.

Takunnissimaguit politiit oqarasuaataannut 701448-mut sianeqquneqarputit.

Nutaarsiassami kukkunermik nassaarsimaguit uunga allaffigineqarsinnaavugut.