Inuit 80-it kukkunikkut misissortinngitsoortut: 21-ani angalasussat sianernikkut immikkut uppernarsaammik piniarsinnaapput

Inuit 80-it missaat Nuummi misissuivimmi tunuleriiaattut kukkusoqarneratigut ullumi itigartinneqarsimapput.

Inussivimmi internetsikkut attaviit ajoquteqarnerat peqqutigalugu ullumikkut tunuleriaanneq talliartuaarsimavoq, kukkunertigullu misissuivik matuneqarpoq, naak suli tunuleriiaattoqaraluartoq.

Naalakkersuisut tusagassiuinut nalunaarummi taama allapput.

- Inuit arlaqartut misissuivimmut misissortikkiartornermi itigartinneqarsimanerat utoqqatsissutigingaarpara. Nalinginnaasumik suleriuserput tassaavoq, inuit tamarmik nalunaaqutaq ataatsimut takkussimasut misissorneqartarnerat, tamannalu siunissami malinneqarnissaa qulakkeerniarlugu sulissaanga, Ella Skifte, peqqinnissaqarfimmi immikkoortortami pisortaq, oqarpoq.

Decembarip 21-ani aallartussat uppernarsaammik immikkut ittumik piniarsinnaapput

Akiuussuserneqarsimanngitsut aqagu angalasussat timmisartumut ikitinnatik misissorneqaqqaarnissaat pisariaqarpoq, taamaammat oqarasuaatikkut attavigineqarsinnaasumik piareersimasumik utaqqiisaasumik aaqqiissuteqartoqarpoq. Aqagu decembarip 21-ani 2021-mi angalasussat pisariaqartitsisut piareersimasumut sianernikkut immikkut ittumik uppernarsaammik piniarsinnaapput.

Utaqqiisaasumik piareersimasumut decembarip 20-ani unnukkut nalunaaqutaq qulit tungaannut sianersinnaassapput, immikkut aaqqiivigineqarnissamik qinnuteqarniartunit attavigineqarsinnaavoq, normumut 590801-mut sianernikkut.