Inuit pingasut kalaallinit kingoqqisup toqutaaneranut pasineqartut
Angutit marluk arnarlu ataaseq Danmarkimi Hjørringemi inatsit tunngaviusoq naapertorlugu killisiorneqarput, angummik 38-nik ukiulimmik kalaallinit kingoqqusumik toqutsisoqarneranut attuumassuteqartutut pasineqarlutik.
Danmarkimi tusagassiorfik Ekstra Bladet taama allaaserisaqarpoq.
Pasilliutigineqartoq naapertorlugu angut Aalborgimi aqqusinermi unatarneqarluni toqutaavoq. Angut ilisimanngitsoq siullermik nassaarineqarpoq kingornalu toqusimasutut nalunaarutigineqarluni.
Aviisip Ekstra Bladetip allaaserisaa naapertorlugu pasineqartut aanngajaarniutinik atornerluisut ilagisinnaagaat, politiit siusinnerusukkut paasissutissiissutigisimavaat.
Tigusarineqartut marluk rumæniamiuupput pingajuallu angut qallunaajulluni.
Nordlyllandimi politiit oqarnerat naapertorlugu pasineqartut pingasut inatsit tunngaviusoq naapertorlugu killisiorneqassapput, parnaarunneqarnissaallu piumasarineqassalluni.
