Iranimi akerliussutsimik takutitsisuni arfinilissaanik toqutassanngortitsisoqartoq

Unnerluussaq Iranimi akerliussutsimik takutitsinersuarmi toqutsinissamik siunertaqarsimasutut, qunutitsisimasutut eqqissiviilliortitsisimasutullu pisuutinneqarluni eqqartuussaavoq.

Allattoq Ritzau

novembarip 21-at 2022 09:08

Nutserisoq Karline Platou

Iranimi inuppassuit qammatini kingullerni marlunni akerliussutsimik takutitsinerannut attuumassuteqartumut inuk ataaseq sapaammi toqumut eqqartuunneqartoq, tusarfiit tutsuiginartut allapput.

Akerliussutsimik takutitsisoqarneranut atatillugu arfinilissaanik toqumik malitseqartussamik eqqartuussisoqarpoq.

Unnerluussaq ”akerliussutsimik takutitsinersuarmi toqutsinissamik siunertaqarluni savimmik ammussisimasutut, taamaalillunilu qunutitsinermik pilersitsimmat aammalu inuiaqatigiit iluanni eqqissiviilliortitsimmat.” toqutassanngorlugu pineqaatissinneqarpoq.

AAMMA ATUARUK Iranimi akerliussutsimik takutitsisoqarnerani meeqqat 47-t toqutaapput

Inuit pisinnaatitaaffii pillugit suliniaqatigiiffik, Amnesty International, naapertorlugu akerliussutsimut takutsitsinermut attuumasuteqartunut maanna tikillugu inuit 21-t toqumut pillagaapput, taakkulu oqarnerat naapertorlugu iranimiut eqqartuussinerit uppernarsaateqaratillu piviusuusaartitsinerusut, suliniaqatigiiffik oqarpoq.

Iranmi akerliussutsimik takutitsisunut peqataasut maannamut katillugit 378-t toquppaat, taakkunannga meeqqat 47-llutik.

Nutaarsiassami kukkunermik nassaarsimaguit uunga allaffigineqarsinnaavugut.