Istanbulimi qaartartumeerisoqarmat arfinillit toqutaasut alllu 53-it aqqunartitertut

Tyrkiami illoqarfimmi Istanbulimi qaartartumeerisoqarmat inuit ikinnerpaamik arfinillit toqutaapput, allallu 53-it aqqunartiterlutik.

Istanbulip qiterpasissuani Taksimip illoqannginnersaani ulappuffioqisumi sapaammi qaartoortoqarpoq.

Istanbulip guvernøriata Ali Yerlikayap Twitterikkut oqaatigaa inuit ikinnerpaamik arfinillit qaartartumeerinermi toqutaasut, allallu 53-it aqqunartitertut.

Istanbulimi ualikkut nalunaaqutaq sisamat qaangerlugu tanneq sisamat qaartoortoqarpoq.

Qaartartumeeriffiup nalaani uivernersuaqartoq oqaatigineqarpoq. Qaartartumeerisoqaqqeratarsinnaanera aarleqqutigineqarmat inuppassuit qaartoorfiusumit qimarrattut takuneqarsinnaavoq. Tyrkiami tusagassiorfiit taama nalunaaruteqarput.

Politiit inuppassuit katersuuffiannukartinneqarput, inuillu sumiiffimmit qimagussortinneqarlutik. Pisiniarfiit assigisaallu matoorarneqarput.

Aqqusineq niuffaffittut ilisimaneqarluartoq Istiklal qaartartumeeriffigineqarpoq, ambulancillu politiillu imaaginnavillutik.

Imminut pilliutigiitigaluni qaartartumeerisoqarsimaneranik nalunaaruteqartoqarpoq.

Istanbulip qiterpasissuani illoqannginnersaq Taksim, kunngiitsuuffiup Tyrkiap ukiuni 100-unngulersuni oqaluttuarisaanerani pisoqarfiusimaqaaq.

Illoqarfiit pingaarnersaanni Ankarami naalakkersuisunut akerliussutsumik 2013-imi takutitsinersuaqarfiuvoq.